الرئيسية » الشعر والأدب » حلــــــــــــــــم..قصيدة للشاعر / محمد توفيق

حلــــــــــــــــم..قصيدة للشاعر / محمد توفيق

محمد توفيق
حلــــــــــــــــم

———————
بحلم ببكره أكون معاك
بحلم بيوم نقضيه هناك
نلعب سْوا
نضحك سْوا
ويبتدى عمرى بلقاك
ونفتكر
إن أحنا جمعنا الهوا
ومكنش فيه بينا ميعاد
وحبنا فاق البشر
عدا الصعاب
عدا الخطر
بحلم بيوم بْوسنا القمر
ومسكنا نجمة
كانت صديقتى فى السهر
بحلم
وبحلم
والقى صوتك بينادينى
إصحى بقى
فوق
ده حلم
احلى أيامى معاكى
حلم ليه ؟!
إنتى مش حاسة بشعورى
ولا ايه ؟!
حولى الحلم لحقيقة
خلى أحلامنا جريئة
أبسط حقوقى معاكى
أعيش لحبك
بالثوانى والدقيقه
وأنسا كل حاجه فيه
وافتكر إن إنتى ليه
مهما عاندنى الزمان
ومهما كان حكمه عليه
مش هسيبك
وانتى عارفة إنى نصيبك
والقى صوتك بينادينى
أصحى بقى
فْوق
ده حلم
قلبى كان عمره عليل
وإنتى الطبيب
إنتى الدوا
عشت أحلم بلقاكى
وأبتدى معاكى حياتى
وأقضى عمرى فى هواكى
وانا ليه مين سواكى
نور بيهدينى لطريقى
والقى حلمى شىء حقيقى
وفجأءة القى صوت ينادى
أصحى بقى
فوق
ده حلم
لو أعترفنا بالحقيقة
نلقى كل حياتنا حلم
حبنا من غير أوان
يبقى حلم
ندخل الجنة بأمان
برضه حلم
المس النجوم معاكى
أيوه حلم
أملك الدنيا بلُقاكى
والله حلم
تجيينى فى الأحلام ملاك
فى أحلى حلم
نلقى حياتنا الجميلة
حلم لسنينا الطويلة
طب سْيبينى
أحول الحلم لحقيقة
ومش ضرورى تفوقينى
وتقوليلى بصوت ملايكى
أصحى بقى
فوق
ده حلم
————–.
شعر/ محمد توفيق

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

محلاك يانور النبى . قصيدة للشاعر / سامى فرغلى ( قربان المصرى)

محلاك يا نور النبي يا للي نورك نور حياتي وحبي ليك كان أختيار والهوى بيني …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *