الرئيسية » مسابقة الشعر العامى » حلمت ..مسابقة الشعر العامية بقلم / سيد بدرة من مصر

حلمت ..مسابقة الشعر العامية بقلم / سيد بدرة من مصر

Spread the love

خاص بالمسابقه
قصيده بعنوان
حلمت
بس ضاع الحلم
شعر عاميه
سيد بدره
مصر يقيم بالسعوديه

حلمت
بس ضاع الحلم
شعر عاميه

ومن بين السطور
احﻻم ….
با عيش جواها
واتعايش ..
وانا من قبل ما اتكلم
عن اﻻيام ..
ما كنتش …
ف الزمن عايش ..
دانا من قلب نسياني
خلقني الله وعﻻني
وبالاسﻻم ………وحﻻني
وع القرآن ………ورباني
وخﻻني ……. بني آدم
بحفنه .. من تراب آدم
نفخ فيه
وسواني
وصارت روحي ….تتنفس
وبتخط الطريق ليه
وبتحسس
علي قلبي بحنيه
وبتملس
علي صدر الحنان ..أمي
رضعت لبنها في دمي
وزحفت …بيه أيامي
ونام الصدق فيه وديع
ف احﻻمي
وطفل رضيع…..
بيحبي ..ف خطوته الاولي
وكانت امي ليه ربيع
ف عنواني
وكنت احبي
..وابويا رمز وجداني
وزهر كﻻمه بستاني
وكنت بقوم وبتكعبل
وأقوم تاني
واتكلم ..تتوه
مني الحروف
وكنت باشوف …
سعاده وحب ف عيونهم
وأنا بينهم
فكنت اضحك ….
علي نونو الكﻻم منهم
وكانوا ف لحظه
ياخدوني ….ويرموني..
وكنت باطير
واﻻمس جنه ….العصافير
واخطف م السما ..مقادير
وكنت زمان …وانا صغير
وحلمي كبير
حلمت اني …اكون ظابط
ادافع عن تراب بلدي
وأكون طيار .
.واطرد منها ..اﻻشرار
وأكون دكتور ..
أداوي كل داء ساكن
حلمت …… ولكن اﻻحﻻم
بتسرق سكة المشاوير
حلمت اني اكون شاعر
وأقول الحرف ..بمشاعر
وأكون …واعر
بكلماتي …….وليه ديوان
وصوتي كلمه بتجلجل
يهز الخلق …… والوجدان
وأكون مشهور ..
.وليه في حياتي دور
والف وادور .
. مابين الناس
وبالاحساس ..
.اريح كل قلب حزين ..
وامسح دمعة المسكين
واخد حقي من الظالم
واكون حازم .. وصوتي ادان
وكان ياما كان
بقيت حيطه من اﻻركان
بقيت باكتب …عن الدنيا
وعن نفسي ….
وضاعت ف الزمان نفسي
وكان نفسي
اخطي زحمة النسيان
بقيت عايش علي الدنيا
وباطلب منها احسان
وأقول يارب قويني ..
من الغربه وعديني ووديني
لحضن امي ..وداويني
ورجعني صغير ف الدنيا باتعلم
خﻻص بطلت يوم احلم
لقيت الصفحه مكتوبه
وكل اعمالي محسوبه
صحيت من وسط احﻻمي
وشابت مني ايامي
وغرقت جوه اوهامي
وف الفربه بقيت باكتب
وادور … بس ع العنوان
ونفسي ارجع
علي وطني .. وادوس دربه
واعيش ف حماه
وابوس قلبه ..
ماقولش اﻻه …
ونفسي ارجع
ف يوم تاني
اخلي الصحكه عنواني
ياريتني ارجع
في يوم أحبي …
وأنا صغير
وحلمي كبير وما أتغير
وأتوه من سكه المشاوير

…………سيد بدره………….

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

رسالة من الغربة,مسابقة الشعر العامى,بقلم/صابر فرج ياسين على .مصر

Spread the love مسابقة الشعر العامي الأسم صابر فرج ياسين على ( جمهورية مصر العربية …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *