الرئيسية » مسابقة الشعر العامى » حواديت ..مسابقةالشعر العامى .بقلم شريف الرفاعى من مصر

حواديت ..مسابقةالشعر العامى .بقلم شريف الرفاعى من مصر

قصيدة حواديت
شريف الرفاعي
هاتف 01021643865
جمهورية مصر العربية
مسابقة الشعر العامي

داخلين في حضن الوجع
فارشين كلام و نواح
لو حد ساب دنياه
نزعل يومين واهو راح
عاينة الكاسات لإيزيس
و الكفر ليها مباح
لابسة السحاب كقميص
رقع جداره السم
و الهم ….
سابه و فاح
يلعب هناك ع البر
يكسر غصون العرق
احنا الحروف الجر
مالناش رصيف للعشق
و تقولي ايه الفرق
كل اللي ع السطرين
ما شافوا شكل العيش
زارعة الأراضي كآبة
لافة الولاد بالخيش
عاينة الفطار لديابة
بيعبوا في التهميش
قبر المدى لغلابة
كل الطريق كالمش
مين اللي ربى الكرش
بحرس جنيه للبيه
لاجل الرغيف والقرش
بسهر و ابيع الورد
و الغربة لم الفرش
فمتزعليش مني
نسج الحياة حواديت
الله الغني عني
لو غيبت يوم ع الغيط
اصلك مش الصادقة
راصة الكلام كالبيت
و ارجع وانا النادم
لو فيكي يوم حبيت

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

طقوس سرية .مسابقة الشعر العامى بقلم / مها الغنام .مصر

مسابقة الشعر العامى -اسمى مها الغنّام -مصر القصيدة بعنوان (طقوس سرية) مها الغنام طقوس سرية …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *