السيناريو والحوار

حوار الكافيهات . مسابقة السيناريو المسرحى.بقلم/ مازن عمر من مصر


مازن عمر
مؤلف وشاعر
مصر- محافظة السويس

حوارات الكافيهات
(سيناريو مسرحي)

حوارات الكافيهات
تدور الاحداث في كافي
الشخصيات:
الفيلسوف (مدعي ثقافة يحفظ مصطلحات لا يدري معناها)
مدمن التكنولوجيا (شخص كل معرفته حول برامج الكمبيوتر والاندرويد)
المواطن (شخص عادي ذو خلفية ثقافية بسيطة)
الاحداث:
يجلس الفيلسوف بجوار مدمن التكنولوجيا يتحاورن ويجلس بجوارهم شخص عادي يتصفح جورنال
في البداية المواطن جالس وعليه الكاميرا يمسك الجورنال ويتحدث مع نفسه
مواطن: يا اخي الاخبار بتسم البدن قتل ودبح وتحرش ولا كله كوم وحكاية الفيروس اللي مش عارفينه في شبرا دا كوم تاني في حاجة اسمها فيروس مجهول ايه يعني مش عارفين اهله مين صحيح اخر الزمان
يدخل الاثنان ويجلسون على طرابيزة بجوار المواطن
فيل: يا صديقي انت ملاحظ ان العالم كله بيتجه نحو الجلوبال ميديا
تكنو: الفضاء الازرق يا صديقي والعالم الافتراضي هو اللي غالب
فيل:دا دليل على توسيع رقعة الامبريالية العالمية المتقوقعة في الذات البشرية عبر الزمان
تكنو:طبعا يا صديقي الناس بقوا زي تطبيقات الموبيل وكل شخصية وليها ابديت بتاعها حسب الظروف
فيل: فعلا جدا اوي خالص هكذا هي التكنوقراطية المنتشرة في العالم
تكنو: اكيد ومتنساش ان في ناس زي الميلوير تطبيقات خبيثة تغلل من خلال تطبيقات مفيدة
فيل: ودا علشان النفس البشرية دخلت في مرحلة السيكوباتية في اللاشعور المتأصل في غياهب اللاوعي
تكنو: الدنيا دي فعلا زي برنامج الونيدوز ببرامجه وتحديثاته
اثناء الحوار يكون انتبهاء المواطن مشدود وعلى وجهه تعابير الاندهاش وفي نفس الوقت مش فاهم حاجة
المواطن: ايه علاقة الويندوز بالبشر بالسيكولابانية بالموبيلات …هو في ايه؟!!!
ينظر المواطن الى الفيلسوف ويسأله: يا حضرة ايه حكاية السيكولابانية دي خطيرة يعني؟!!
ينظر له الفيلسوف نظرة دونية فيل: طبعا يا فندم دي اخطر حاجة على البلد وبعيدين اسمها سيكوباتية
المواطن:تمام تمام…سيكوباناوية…المهم ايه حكاية الموبيلات
تكنو: الموبيلات مالها…
فيل: ودا دخله ايه بالموضوع
المواطن وهو محتار: ماشي يا حضرة شكرا
تكنو: سمعت عن الفيروس الخطير اللي انتشر
فيل: طبعا دي علامة خطيرة على الامبريالية الراسمالية العنصرية
يبدأ المواطن بالانتباه للحديث مع تعابير على وجه تدل على عدم فهمه لكن الموضوع يجذبه
تكنو: كل الاجهزة انضربت منه دا مؤزي جدا
فيل: بينتقل من خلال الهوائيات ولا من ارسال بيانات؟
تكنو: من كله دا خطير جدا
فيل: مش قلت لك عالم سيكوباتية نرجسية لا انتمائية لمقدرات المجتمع المعاصر
تكنو: الفيروس دا يصيب أي حاجة بمجرد الاتصال ويؤدي الى فقد كل حاجة لدرجة تعطل كل الاجهزة واوقات انفجار في الكور الداخلي
المواطن: يالهوييي هي وصلت للداخلي ثم ينظر بين رجليه
فيل: احنا لازم نشوف حل امن مش معقول كدا
تكنو: الحل الامثل لوضع الخطير دا استخدام واي فاي امن
المواطن: (يخرج تليفونه المحمول ويبدأ بالاتصال) الو…ايوا احمدي بيقولك في فيروس منتشر وبيوصل للدخلي …الدخلي احمدي…
ينظر له جميع من في الكافي ويجري الجميع

تعليقات

تعليقات

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق