الرئيسية » مسابقة الشعر العامى » حوا نص لم بكتمل بعد…خاص بمسابقة الشعر العامى بقلم / محمد صابر ابراهيم من مصر

حوا نص لم بكتمل بعد…خاص بمسابقة الشعر العامى بقلم / محمد صابر ابراهيم من مصر

الاسم محمد صابر ابراهيم
المشاركة (شعر عامي)
اسم النص ( حوا نص لم بكتمل بعد )
التليفون 01154601313
البريد الالكتروني
30yom.magaz@gmail.cim
( النص )..
بسم الذى خلق الهوى والشعر
خلق النجوم والعيون والضل
رسم الطريق فرعين
خلق الحياة اتنين …
أدم وحيد
والجنة مش جنة
لمست عيونه الجمال
لما شاف حوا
شاف الحياة بيها
واختار يموت على الارض
لو حوا كانت فيها
وسط الفناء والخُلد
اختار بقلبه الحب …
…………….
سبحان من خلق ..
للمجروحين فضفضة
وانا قلبي فاض فضاه
فسمحوا قلبي في الخروج ع النص
وكسر كل المحظورات
من قانون او شعر …
زهدت الحقيقة .. عرفت
زهدت الطريق .. فوصلت
زهدتك حبيبتي .. عشقت
علمنى الاحتياج اني
كل ما اعوزك .. ازهدك
“تأتيني من اقصى البلاد ”
فاتحة ايدكي .. فحضنك ..
……………..
وانا قلبي من بعد البعاد
تاية فى ملكوت ربنا
باحث عن اكتمال للذات
عن معنى لذاته
باحث عن التفسير
لـ نبضة الشوق والحنين
باحث عن الأنسان …
كانت كما كنتي
اجمل جميع المخلوقات
كان اللقا عرفات
كان أكتمالنا هناك
…………..
وتبتدي الرحلة
يا خطيئتي الأولى
سحرتي ليه قلبي
وعيوني معصوبة
واخترت انا ذنبي
بأرادة مغصوبة
وأصير انا العاصي
وتصير معصومة ..
برصيصا يا عابد
برصيصا انجدني
اواري سوءة اخي
الجهل ده نصيبتي
رد المنادي عليه
الزهد كان دربي
لكنها تستحر
والذنب مش ذنبي ..
يوسف أيا صديق
ألحقني بالبرهان
رد الغراب “اسكت ”
الظلم صار عنوان
كل الحروب تشهد
انسان قتل انسان ..
…………….
تجري السنين بينا
وتتوه أسامينا
جايز تكون أسيا
واكون انا الفرعون
جايز تكون ليلي
فأصير انا “المجنون”
جايز انا مسئول
في القصة والمعني
هيلين كانت عصفور
في الجنة بيزقزق
و صوتها كان من نور
وشموس بتشقشق
رغم انها ع الارض .. لعنة ونيران تحرق
عشر سنين ف الدم .. طروادة موت تشهد
إن الجمال لعنة
وإن القليب اعمى
و إن الحنين من نار
وإن الألم نعمة
وقت انسحاق الروح
فى الدنيا والعتمة ..
وعشان كده خايف
ازيد خطاوي القرب
فـنأكد المعنى
و يصير عذابنا حياة
في قصة تجمعنا …
و نموت انا وانتي
و خلودنا يوجعنا …

#محمد_صابر

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *