ط
مسابقة الشعر العامى

خلص الكلام . مسابقة الشعر العامى بقلم / رزق عبد الله من مصر

خاص بالمسابقة
الاسم : رزق عبدالله
الشهره : ابن النيل
البلد : محافظة الجيزة _ جمهورية مصر العربية
نوع النص : شعر غنائي عامي
بعنوان : خلص الكلام

خلص الكلام

خلص الكلام في طريق طويل كله مفارق

والحبيب اللي عهدني في لحظة باع وفارق

اوعي تيجي فيوم تقولي كان ظرف طارق

قلبي منك في بحور عذابك في دمعه غارق

كنت فاكر

كنت فاكر نفسي شاعر ارسم للمحبين كلمات

اتاريني قلب باكي علي كل قصه فيها اهات

اتاريني واحد من العاشقين فيه الف الدمعات

ايوه مهاجر

ايوه مهاجر وراسم ما بيني وبيك الف سد

يالي كنت بتكذب عليا وتوعدني بألف وعد

كل شيء بنيته بقلبي علي ايدك راح واتهد

خلص الكلام

خلص الكلام وانتهت ما بنا القصة الطويلة

مات الغرام واللي خان اصبح جبان في ليلة

مين يصدق في لحظة تنتهي القصة الجميلة

مين يصدق يموت اللسان في رحلة الزمن العجيبة

خلص الكلام

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى