الرئيسية » مسابقة الشعر العامى » خلص الكلام ..مسابقة شعر العامية بقلم / محمود وحيد من مصر

خلص الكلام ..مسابقة شعر العامية بقلم / محمود وحيد من مصر

الاسم / محمود محمد وحيد كامل
جمهورية مصر العربية
محافظة المنيا
مدينة مغاغة
للمسابقة ……عامية
===================
خلص الكلام…
=========
يا جبال الهم
المتشــــــــالة
فوق كوم من قش
وقلوب مهدود الحيل
فيها
تنفــــــــــــخ وتفش
ملعون الجوع اللى
ما لاقى
لو حبـــــــــة مش
والوش اللابس فوق
وشــــه
اكتر مــــن وش
الروح بتــــغش
والعين بتغـــش
ولسان الكدب أصبح
عادة
يكدب ما يخافش
بنموت عايشين
ونعيش أمـوات
ويعدى الصبح
كانو ما فــــــات
مصلوب العمر
فــــــوق حرف
الخوف
وف سجن الأه
عمال بيكش
ممدود الليل
مفرود ع الرمش
والجرح الساكن
جوة القلب
وبسره ما باحش
بينادى الليل
والليل أبكم
قافل على باب السمع
بيبان
الليل طول عمره
ما بيسمعش
ملعونة الدمعة
المشنوقــــة
فوق نين العين
ملعونة ما دامت
مش قادرة
تعدل موازين
لا هى طايلة شمال
ولا طايلة يميـــــن
وان بوسنا ايديها
عشان تنزل
تهرب جوانا
وما بتنزلش
يا كفوف الصبر
يا عطشانة
لايدين تتمد
ويا حلم الصبح
المتبعتر
فوق دمع الخد
كفاياكوا دموع
بالدمع ما عادش
يطيب موجوع
والحلم ما دام مبتور
القلب
هيموت جوانا
وما هيوصلش
فبلاش نتدارى ف توب
مهدول
ونحرف كل حروف
القــــــــول
الهم متبت فوق الكتف
بيذيد ما يخف
يا سواقى الموت
اسقينا الموت
ما بقاش ف الصبر حبال
بتطول
ولا عاد ف القول
كلام
ما اتقالش

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *