الرئيسية » مسابقة الشعر العامى » خيال المآتة .مسابقة شعر العامية بقلم / محمود ابراهيم هليل من مصر

خيال المآتة .مسابقة شعر العامية بقلم / محمود ابراهيم هليل من مصر

لأشتراك بالمسابقة
الأسم/ محمود ابراهيم احمد هليل
نوع العمل / عامية
اسم العمل/ خيال المآتة
تليفون/ 01027712256
محافظة الشرقية
…………………………………….
خيال المآتة
.
يا فارد دراعك وحلمك ضعيف
وجوفك كيانه بقش وكفيف
خيال المآتة …إرادتك وسادة
وعزمك شحاتة لحق الرغيف…
خيال المآتة يا مجبر تعيش
ذليل وسط أرضك ولبسك بخيش
وصالب فى طولك بتحرس غيطانك
ومحصول غيطانك حصاده مفيش…
وفاكر بجهلك خيالك شرف
دناوة عيالك سببها الترف
ولكن عيالك بضعفك ووهنك
صابتهم تجاهك معانى القرف..
وفارد قلوعك بذل النفوس
وسالب كرامتك عشان الغموس
وراضى برضوخك ودافن شموخك
بدرج المهانة مصمم تدوس..
مرقع دماغك بحبة غبار
وفاكر عزيمتك بتقل العيار
وتايه ف حلمك بغفلة وضياع
نهارك أسية وليلك دمار…
يا زارع فى حدك ميل الميزان
وناسى اللى قاله رسولنا زمان
تفرط فى دينك وتاكل بدينك
وغشك وسحتك مذلة وهوان..
يا سارق بحلمك معانى الجمال
وقاتل فى حوضك حدود النضال
مزايدة بطموحنا تزود جروحنا
ووهمك وحلمك محود شمال…
يا بادر بذورك ضعيفة التقاوى
تجرف فى أرض المحبة برشاوى
بتبنى فى صروحك بعطشة طموحك
صروحك هزيلة وأساسها الحكاوى…
بتسرح وتايه ما بين الحقايق
بزيفك تضلل ف كل الخلايق
مقطع هدومك وتنفث سمومك
تسخن تعكر صفو الشقايق…
خيال المآتة ضميرك عدم
وسارح ف دربه بخطاوى الندم
تكمم بقسوة صوت الحقيقة
وقافل ودانك من اللى اتظلم..
مشوه تراثنا ونسلك عقيم
وفنك كبيره يوم أو يومين
وناسى إن أرضك بتعشق غناوى
بحفلة لثومة وسهرة لحليم..
خيال المآتة يا ريتك تعود
عود لأجل تحمى حصاد الغيطان
بصدق النفوس والشموخ اللى كان
بحسن النوايا وحكمة فى رواية
بسجدة ودعوة بتحرق شيطان…
انتظار المآتة هَعيش ف خيال
إبادة جحودك ف طلة نهار
لأن ف جذورك محَنة وخير
تطهر كيانك….يزول الغبار
……………………………

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *