الرئيسية » مسابقة الشعر العامى » خيوط الغربة ..مسابقة شعر العامية بقلم / رضا محمد حسين من مصر

خيوط الغربة ..مسابقة شعر العامية بقلم / رضا محمد حسين من مصر

مسابقة مهرجان همسه الدولي لعام 2016
الاسم / رضا محمد حسين
ت / 01011552054
جمهورية مصر العربيه
قصيده عاميه

خيوط الغربه

خيوط الغربه لفاني
ومش لاقي فرار منها
وباسهر ليلي وحداني
واقول خلاني دي فينها
ترد الدمعه ف عيوني
يامتغرب وحيد انت
فاتوك الصحبه ولا سألوا
حياتهم حلوه عايشينها

ياغربه طعم ايامك
مراره دايقه ف ملامحي
وكل ليله ف نسيجك
يزود كل يوم جرحي
يابعد ابعد بقا عني
هريت بدني بافعالك
وليه معرفش مكتوبي
مفيش فيه حرف من فرحي

ياغربه خلاص انا كرهتك
ومش عاوز اكون وحدي
وتحويشتي راح ارميها
ماتسوا سجده على ارضي
دا نظره من عيون ابني
ب100 دنيا ف احضانك
ودعوه الصبح من امي
تدفيني ف براح بردي

ياغربه خيوطها سجاني
هاكسر كل قضبانك
هاسيبك لاجل خلاني
مايلزمنيش انا مالك
انا اللي ظلمت ايامي
وعمري ضاع ف لياليكي
خلاص يامه راجع ندمان
انا المشتاق لاحضانك

بشنطة ايدي وهدومي
ولعبه لبنتي انا راجع
وشال كشمير عشان امي
وحبة حزن ومواجع
والف رساله لاصحابي
كاتبهم بالدموع والدم
ياغربه لو انتي شارياني
بقولك انسي انا بايع

انا بايع خيوط توبك
وكاره حتي زيف ضيك
هاكلها ب ملح من ارضي
انا مليت مرار شهدك
ياحالبه القهر ف ملامحي
ياراضعه سنيني والجته
انا راجع يابلدي عشان
ابوس حبات تراب ارضك
انا راجع يابلدي عشان
ابوس حبات تراب ارضك

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *