الرئيسية » مسابقة الشعر العامى » درويش …مسابقة الشعر العامى بقلم / محمد محمد الساعى من مصر

درويش …مسابقة الشعر العامى بقلم / محمد محمد الساعى من مصر

الاسم : محمد محمد الساعي
الفئة : شعر العامية
البلد : مصر
ت : 01284199202
#درويييييش

مفتتح
ومنين هاجيب م الكلام ..
كلمه توفيكي
كل الكلام بقى عادي .. مستهلك
القلب حبك حياه ..
والعقل تاه فيكي
وانا اللي دون البشر ..
وحدي اللي مستاهلك
****
درويش في ساحة حضرتك
قابل اكونلك ندر
او حد م المريدين
وبخور عنيكي الطيبين
توَّهني في السكه
ودفعت حقي م اللي فات
عربون لمحاسيبك
وحلفت ما حاسيبك
وسنين حياتي مضت
والباقي كان فكَّه
يا سكتي لمكه
ودليلي ان العاشقين متجمعين..
دروايش
ما اقدرش تاني اعيش
الا ف رحاب ضيِّك
يامو العيون حكايات
مالقتش يوم زيِّك
وان كنت مَيِّت في عيون..
كل البشر..
يكفاني اكون حيِّك
****
قنديل على قُبة مقام العاشقين
حالف بكل الاوليا …
والعارفين
لانفض تراب هَمْ السنين
واملك مفاتيحك
واغزل حروفك كلمتي ..
وأداواي .. مجاريحك
قلبي اللي دايب م الفراق
وسابني وجا ريحك
وفضلت انا طريحك
عشقان لحد الحد
دا هواكي جزر ومد
عاشق تباريحك
سبحه بطول مشاويري لرحابك
خطيتها طول رحلتي
حبايه … حبايه
ووقفت على بابك
وعشان ما ألمح في يوم
عبايتك الخضره
قابل اكون درويش
بيجَهِّز الحَضْرَه

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

4 تعليقات

  1. الله على روعة ابداعك صديقي الحبيب
    دام ابداعك ودام مداد قلمك الرائع
    موفق باذن الله تعالى

  2. الله عليك دايما متألق

  3. لكل شاعر شيطان شعر وانت قد اصطفاك الله بملاك شعر

  4. راائع كعادتك شاعرنا المتألق استاذ محمد الساعي، سلمت يداك والتوفيق ان شاء الله

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *