الرئيسية » مسابقة الشعر العامى » دمعة خداع ..مسابقة العامية بقلم / محمود عبد الله محمدين من مصر

دمعة خداع ..مسابقة العامية بقلم / محمود عبد الله محمدين من مصر

خاص بالمسابقه مهرجان همسه لشعر العاميه
محمود عبدالله محمدين
مصر
33 عام
01119622336
دمــــــــــــــــــــــــــعة خداع
أعصري الدمع ف عنيكي
نزلي دمعة خداع !
إرسمي الحزن ف ملامحك
إخلقي لحظة وداع !
قولي عني إني جارحك
قولي إنه خان وباع
قولي إنه كان ليلاتي
يسيبني وحدي للضياع

إحكي ليهم 100 حكاية
اسحريهم من ورايا !
قولي ياما خان صبايا
قولي إنك كنتي قمحة!
وكنت أنا ليكي الرحايا !
وكنتي حاسة م البداية
بس كان محتاج رعاية!!!!!
وكنتي عايشة فـ الصراع!

اعصري الدمع ف عينيكي
نزلي دمعة خداع !
إرسمي الحزن ف ملامحك
إخلقي لحظة وداع !

قولي عني بيكي كافر
ياما زُرتي الأضرحة !
واشتكيتي كتير همومك
غازلة بيها الأوشحة !
واني حبي ليكي عابر
كان مجرد مصلحة
واوعي تنسي تخرّجي
من بين ضلوعك أجنحة!!!!
انتي عايشة بكام قناع؟!!!

اعصري الدمع ف عينيكي
نزلي دمعة خداع !
إرسمي الحزن ف ملامحك
إخلقي لحظة وداع !

بس اوعي لحظة تنسي
إن انا كنت الضحية
قلبي صانك وانتي خنتي
ياما شاف منك قسِيّه
م النهارده انتي هُنتي !
ياللي هِنتي ……
معنى كلمة إنسانية !!!!!!!!
ياللي قلبك كان مشاع!!

اعصري الدمع ف عينيكي
نزلي دمعة خداع !
إرسمي الحزن ف ملامحك
إخلقي لحظة وداع !

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *