ط
مسابقة الخاطرة

القاتل الرحيم .. مسابقة الخاطرة بقلم / إيمان مصطفى من مصر

القاتل الرحيم
أدهم شديد ..
حارب وصال ..
عدى بحور
طلع جبال ..
ولا عمره خاف ..لا قال محال
نسر السما ..
على كل شبر له أثر …
اللى جرى والى حصل …
خسر جناحه وقوته
والنور طفى من دنيته …
رعشه ولبست جتته …
وكان نصيبه وقسمته ..
موت الحياة جو الحياة
فجأه الكسوف ويا الخسوف ..
والشمس من لون السواد..
.إتكـفـنت ……..اتكـتـفت ..
سرقوا دفها والشعاع..
حتى الشراع
سلم لجامه …للهوا لما هوا …
تموت حياة جوا الحياة
كل الامل
فى يوم ألقى …فى سكتى
قاتل رحيم ..
يرحمنى من دنيا الجحيم
من تانى ينبتلى جناح ..
واقدر اطير أوصل لجنة ربنا
فى أعلى سما …
وترد جوايا الحياة والقى الحياة
اللى لايمكن نورها ابدا …ينطفى
واسكن قصور ..واشرب عسل ..
وادعيله ربى فى كل وقت وكل حين
يرضيه وسدد خطوته …
وهديه صراطه المستقيم ….
يسقيه حياة فى جنته …
الامر ف القصه غريب …
والقاتل امنيه و طبيب …
إيمان مصطفى

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى