ط
الشعر والأدب

قصيدة : يا حبيبتي يا أمي راجع ..كلمات الشاعر / محمد عبد العزيز رمضان

يا حبيبتي يا أمي راجع

كلمات الشاعر محمد عبد العزيز رمضان

يا حبيبتي يا أمي راجع

بالشوق وييا الحنين

هشكي كل المواجع

بعدك أنا أروح لمين

نفسي تضميني يا اما

من تاني ضمتين

يا ما جمعيتنا لمه

تاهت ألقاها فين

يا حبيبتي يا أمي راجع

من غيرك مش هعيش

حبك يا حبيبتي عندي

عايش ما بينتهيش

وقريبه مني يا اما

أنا نفسي ما تبعديش

وسألت عليكي يا اما

طب ليه ما بتسأليش

لو هنت عليكِ عمرك

ياحبيبتي ما بتهونيش

يا حبيبتي يا أمي راجع

أنا من غيرك سراب

لو كل الدنيا باعت

هفتحلك ألف باب

ورضاكي يا أمي جنه

غضبك هو العذاب

ببعتلك كل لحظه

من قلبي ميت جواب

أنا نفسي تجيني تاني

من بعد طول غياب

يا حبيبتي يا أمي راجع

رغم البعد الطويل

حبك محفور في قلبي

لو هوصف مش قليل

من غيرك كنت تايه

بلقى معاكِ السبيل

وما فيش زيك يا أمي

ولا ليكِ كمان مثيل

حبك مرسوم بدمي

نفسي أرد الجميل

خايف أبعد يا أمي

وأنت هواياالعليل

لو كل الدنيا مالت

وياكِ مش هميل

ضاعت كل الأماكن

وانت ليا الدليل

حبك في القلب ساكن

وما فيش غيرك بديل

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى