ط
مطبخ

أسرار عمل الكشرى المصرى مع شيف هانى قنديل

المكونات
بصل
وارز
وعدس بجبة ( بني او اسود)
ومكرونه اسباجتى — مكرونه صغيره
حمص الشا م
وشعريه ..
=================
الطريقة

اول حاجه نقطع البصل جوانح ( شرائح طويلة ) بعدين نقليه في زيت كتيير .. يعني نخلي الزيت غزير شويه يحيث يغطي البصل ويفضل يكون زيت ذرة .. الزيت الي قلينا فيه البصل ده هو الزيت ده الي هنستخدمه بعد كده في طبخ الكشري عشان يبقى مشبع بطعم البصل ..
..
طبعا بنترك البصل في الزيت لما ينقلي ويبقى بني غامق مش اسود
.. الاسود ده يبقى انحرق ..
البني الغامق او المائل للغامق هو ده المطلوب .. نطلعه على ورق نشاف او مصفاه زي ماتحبوا وبكده تكون التقلية جاهزه وانتهينا من اول خطوة ..

==============================
الخطوة الثانية
بنجيب العدس ابو جبه ونغسله ونحطه في حله على النار مع ماء كافي للسلق وملعقة ولا اثنين من زيت التقلية .. ماء نظيف == لان الماء ده هو نفسه هنستخدمه بعد كده في سلق الرز .
بعد مايستوي العدس كويس اوي ( طبعا اضفنا له شويه ملح صغيرين اثناء السلق عن نفسي اضفتهم في المرحلة ماقبل النهائيه

بعد ماينضج تماما نرفعه من الحله وناخذ نفس المية الباقية
ونجهز شويه رز مغسولين عليهم نقلب الرز في ملعقتين زيت من بتوع البصل
ونستمر في التقليب شويه عشان يطلع مفلفل ثم نضيف ماء سلق العدس .. طبعا نراعي الكميات يعني نحط كمية الماء مناسبة لكمية الرز بالظبط كأننا بنطبخ رز عادي ومنزودش عشان ميعجنش ..
====================
في المرحلة دي لمن لا يتقن طبخ الرز خاصه المفلفل مفيش مانع بعد مايغلي نغطيه ونحط تحته الصاجه– قطعه من الصاج او فى مصر تسمى الشياطه تحت الحلة دي ..

وعلى فكره ممكن تسلق معاهم العدس ابو جبه برضه ثاني او تخليه لوحدده تحطه وقت الغرف بس .. عن نفسي حطيت العدس الاسود معاهم بعد ماانسلق بس المحلات مبتعملش كده كله بيبقى لوحده ..
اثناء نضج الرز
اسلق شويه مكرونه ( صغيريين) مع شويه زيت صغيرين وشويه ملح وبعد ماتستوي المكرونه كويس نغسلها بماء بارد بعدين نقلبها مع معلقتين زيت ..

برضه مفيش مانع نحمر ملعقتين تلاته شعريه في شويه زيت لغايه ماتبقى ذهبية بعدين نضيف لها شويه مية ونتفه ملح ونسيبها تستوي كام دقيقة تنفع مع الكشري برضه ..

نلاحظ اننا نستخدم كميات صغيره من كل مكون لان في النهايه هتطلع لنا حلة كبيرة والكشري عامه لو بات مينفعش يتاكل فنحط مثلا كباية رز على نصف كبايه عدس اسود على نصف كباية عدس اصفر على نصف او ربع كوب مكرونه وهكذا ..

المكرونه المستخدمه طبعا هي الصغيره اوي والمحلات عامه بتحط منها وبتحط كمان اسباجيتي مقطعه قطع صغيره ..
نسلق حمص الشام اذا كان مش جاهز طبعا ينقع قبل الشغل ب6 ساعات فاكثر
======================…
حتى ينضج الجميع ويتم التقليب كما تريدون –
نعمل الصلصه طريقة تحضير دقة
المقادير : 4 فصوص ثوم
2 ملاعق صغيرة كمون
32ملاعق صغيرة شطة حمراء ناعمة
2 لمونة
2 معلقة صغيرة ملح
نصف كوب خل
طريقة التحضير
نهرس الثوم والكمون والشطة والملح جيداً. ونضعهم فى أناء, ثم نضيف لهم الليمون والخل ونزيدهم بقليل من الماء بحسب الرغبة, ثم نقلبهم على النار..
وفى أثناء تقليبهم نرى إذا أحتاج الخليط إلى قليل من الملح فنزيده, ثم نتركه حتى يغلى ورائحته تفوح.
————————————————–
صلصة الكشري والدقة أولا: الدقة الحارة:
نصف كيلوطماطم مفروم
2 م ك زيت
2 م ك معجون طماطم
2 فص ثوم مدقوق ناعم
مكعب ماجي , شطة (حسب الرغبة) , 1/4 م ص فلفل أسود( أو حسب الرغبة)
1 معلقه خل أبيض

الطريقة:
ضعي كل المقادير السابقة فى قدر على النار واتركيها تتفاعل مع بعضها حتى
تصلين إلى مرحلة التسبيك…
وعندما تبدأ في التسبيك أضيفي 1/2 – 3/4 كأس ماء واتركيها تغلي
حتى تثخن ( يغلظ قوامها) وتتسبك مرة ثانيه تماما وينقص الماء نوعا ما , ثم أغلقي النار
وتقدم ساخنة فوق الكشري.مع البصل المحمر
وبالهنا والشفا وادعو لاخوكم شيف هانى قنديل10384275_743024195787823_4215654009032017700_n 10393719_743024079121168_8869664940761278519_n 10396277_743024119121164_1010055367522784414_n 10846478_743023792454530_45896437797535472_n

زر الذهاب إلى الأعلى