الشعر والأدب

دُنيا الناس . بقلم \ أحمد شاهين

Spread the love

احمد شاهين
ناس بتقرب . ناس بتغيب
ناس تتهرب . وانت قريب
ناس ف قلوبهم غل وناس
عايشين بس عشان الناس
ناس بتودع أغلى حبيب
ناس من كُتر الصدمه
بيبكوا
بس يقولوا قدر ونصيب
ناس بتقرب . ناس بتعيب
حكايات ياما وماليا بيوتنا
كل فراق بيهد حياتنا
إللى مفارق علشان ماده
وإللى الأسوه فيه بزياده
وإللى يقول لك خان العشره
ما احنا عشقنا القهوه الساده
إمتى جراح الناس هتطيب
ناس بتقرب . ناس بتغيب
دُنيا وعايشينها وخلاص
بعد ما ضاع فيها الإخلاص
مسرح . والإفيه أوجاعنا
نضحك ولا ندارى دموعنا
ولا نخاصم كل الناس
إخص عليكى يا دُنيا الناس
وإللى بيجرح أغلى حبيب
ناس بتقرب . ناس بتغيب
ناس
تتهرب
وإنت
قريب
كلمات \ أحمد شاهين
19 \ 6 \ 2016

تعليقات

تعليقات

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق