قصيدة : أنا .. مسابقة الشعر العامي بقلم / ياسر يوسف

مسابقة الشعر العامي
الاسم : ياسر يوسف
الواتساب : 01115819096
اسم القصيدة : أنا
—————————————————
أنا صدري متعبي بدخان
أنا وحدي ومش ونسان
أنا كل مرة بجرب اهرب
وكل مرة اهرب بقرب
أنا طال مني التعب
وبرضه حبيت ومطلتش
خبيت الاعتذار ومقلتش
انا بعوض النقص بنهم الطلب
بعبر عن فشلي بسلوك الغضب
ومش بشبع كل مرة بفكر
بس بكبر كل ظن في غير محله
حقدي بيتعقد ومش مشغول بحله
أنا بجبر نفسي على السكوت
لأن كلامي ملوش معنى
مجرد تحريك للفك
وتأكيد لمعنى الشك
وتعود على نوم التابوت
انا بخلي دايما الصراخ جوايا
للاسف لسه بحتاج لصحبة معايا
فبتقودني العزلة احيانا لاختراع أشخاص
أو اترمي في حضن السكارى ورمي الكلام وخلاص
واكمل دايرة الحبسة فاكون عصفور و اكون قفاص
ساعات تساورك الشكوك ان الغلط عندك
أن الناس بعيدة لأنك خيار خايب
بس ده حتى المكروهين ليهم حبايب
فتحس ان ال مضيعك عندك
رفضك لتقديم التنازل
اتهامك الدائم بالتخاذل
الناس بتحب الناجح مش الحالم
المواجه مش المسالم
الجسم الرياضي والعقل الفاضي
الوظيفة الدايمة و أسعار الأراضي
عايزين تليفونك ميبطلش رن ورسايل
يشوفوك مشغول عنهم فيهتموا بيك اكتر
يسمعوك بتتكلم عن نزوات أغلبها زيف
يتبعوك لو الجلسة كيف
وفي النهاية يضل نوعك الحالي مش مطلوب
وتفضل يا وحيد ممنوع ويفضل الحبيب مرغوب.