مسابقات همسهمسابقة الشعر

رباعيات (موجوع) مسابقة العامية بقلم : محمد عاطف عبدالمنعم من مصر

خاص بمسابقة : مجلة همسه
رباعيات (موجوع)
بقلم : محمد عاطف عبدالمنعم

عايش حياتى موجوع
والحلم بقى ممنوع
غلطت مره حلمت
صحيت وانا مفزوع
************
هربت من الاحلام
وقولت بلاش انام
سهرت طول الليالى
سرحان مع الاوهام
*************
افراحى بيهدوها
عايش انا فالتوها
مادد لكم ايدى
سبتوها ليه وفتوها
***********
راضى بظلم الزمن
فزود زمانى المحن
عذابى كان التمن
وعمر زمانى ما حن
**************
اخاف لو ف يوم افرح
وانسى نفسى و اسرح
لتغضب دنيتى منى
وتهد افراحى و تجرح
***************
مين فينا عمره ما قال اه
مين فينا عمره ما بكا
انا قلبى شايل هموم جواه
ويدارى ولا عمره اشتكا
****************
يا قلبى ليه صبحت قاسى
الرقه فين ولا انت ناسى
قلبى نزلت منه دموع
قال وصوته كان موجوع
جرحوا فيا ولا انت ناسى
*******************
وحيد وحروفى بتواسينى
بكتبها بدموع من عينى
يادنيا صبحت فيكى غريب
لو ده حلم مين يصحينى

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق