الشعر والأدب

رسالة عاطفية ..للشاعر / عاطف حمدان محمد

عاطف حمدان
وانا قاعد على فيس بوكي

محتار والنعمة يا ناس
وصلتني رسالة غريبة
ما فيهاش صنف الاحساس
عاطفية بطعم البامية
وشوال فجل وقلقاس
طنشت يا هووه كالعادة
كبَّرت وقولت خلاص
اذ فجأة وعالم هايصة
بتقول قال ايه بِصباص
واللي يقولك ارهابي
واللي يقول ده ابن حماس
هنفجر بيك الصفحة
وتبات على طول محتاس
الرحمة يا ناس طب افهم
ملعون م الراس للساس
يا عميل ع الدولة يا عِرَّة
اخرس يا ابن الانجاس
شهرين تهديد وملاوعة
وكلام ملا 100 كرَّاس
من يومها انا خايف اوعى
الاقيني يا ناس بنداس
ما كانتش رسالة زبالة
مالهاش ف الحب اساس
خلتني اقول وبهمة
يسقط اكل القلقاس

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق