رسالة غرام
ابعتلك يا بلدى رسالة غرام معطرة بكل شوق وحِنيَّة
ورسالتى ليكى كلها حب وسلام يا مصر يا أم الدنيا
وفى غربتى بافكر فيكى وفى أى وقت ماتهونيش علىَّ
دا حبك يا بلدى مش شويّة ودا شئ مش بإيدىَّ
وحبك فى دمى وخيرك علىَّ تسلمى لى من كل أذيَّة
تعيشى يا بلدى بحب ولادك عيشة حُرة هنيَّة
تعيشى بمجدك وتاريخك مرفوعة الرأس وقويَّة
وفى سلمك وفى حربك دايماً حرة أبيَّة
وثورتِ على الظلم والطغيان وكنتِ رمز للحرية
وثوراتك تاريخ جميل لبلدنا نعلّمه لأولادنا بنفس أبيَّة
وجيشنا وشرطتنا مع شعبنا إيد واحدة قويَّة
الكل يتحدى الإرهاب ومايهابشِ فى الحق أى منيَّة
وقناتك يا بلدى هتفضل دايماً مفتوحة لخير العالم أغلى هدية
ونيلك اللى يشرب منه يحب يرجع له تانى بجديَّة
وأهلك الطيبين مشهورين بكرمهم وطبيعتهم البهيَّة
وأنا لو لفيت الدنيا مش هلاقى زيك فى البريَّة
ومهما قلت عنك إنتِ غنوتى وعندى قد الدنيا
حلوة يا بلدى دايماً وربنا يصونك من أى بليَّة
