الرئيسية » الشعر والأدب » رسمتك خريطه ……. شعر / م . محمد الجوجرى

رسمتك خريطه ……. شعر / م . محمد الجوجرى

Spread the love

محمد الجوجرى

رسمتك خريطه لكل البلاد
فيكى ديانا وجوليا وسعاد
وأنا معاكى أنا السندباد
أنا فارس وجورج واياد
ــــــــــــــــــــــــــــــــــــ
لافيها حدود ولا جنسيات
ولا فرق فيها بين ألونات
ولغه واحده مفيش لغات
ولا فيها فقرا وولاد ذوات
ـــــــــــــــــــــــــــــــــــ
بلف فيها كل الموانى
وباسمع فيها كل الغناوى
ويتقال فيها كل الحكاوى
والأرض تطرح كل التقاوى
ــــــــــــــــــــــــــــــــــ
الحق فيها صوته عالى
والكل عمى والكل خالى
وأحلى مافيها سهر الليالى
والحب فيها فوق فى العلالى
ـــــــــــــــــــــــــــــــ
الكل بيقرا ويسمع ويفهم
والرأى فيها يبنى مايهدم
تقدر تخالف من غير ماتشتم
وتتكلم من غير ماتظلم
ـــــــــــــــــــــــــــــــــــ
الكل فيها من حقه ياكل
لافرق فيها بين ست وراجل
والكل فيها شغال وشايل
الكل فيها بيتسمى عامل
ـــــــــــــــــــــــــــــــ
الكل عارف واجبه وحقوقه
ومافيش حد يقدر يسوقه
الكل فيها عارف طريقه
ولاحد يقدر يمنعه ويعيقه
ــــــــــــــــــــــــــــــــــــ
تشتغل فيها اللى انت رايده
والعلم كمان شعلته قايده
ولاحد يقول مفيش فايده
خريطه فى الخيال زايده
ــــــــــــــــــــــــــــــــــــــ
حلم واتمنيه يكون بكره
ويصبح فى القلوب فكره

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

الجزائر والمصاب الجلل .قصيدة للشاعر محمد ماجد دحلان.( شاعر الصومعة) فلسطين

Spread the love قصيدة (((الجزائر والمصاب الجلل!!!!!))) طائرة تسكب الموت على ارض الجزائر تعلو اصوات …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *