الرئيسية » مسابقة الشعر العامى » رفع الجنود العلم .مسابقة الشعر العامى بقلم / أيمن صبرى زنون من مصر

رفع الجنود العلم .مسابقة الشعر العامى بقلم / أيمن صبرى زنون من مصر

مسابقة مهرجان همسة الدولى لعام /2016

الاسم/ أيمن صبري زنون

من مصر.. محافظة المنوفية

ت/ 01204218058

قصيدة عامـــــيّة :

رفــع الجــــنود العَـلَم
……………..

رفع الجنود العلم فوق غُرة الـــسّــاري

حضن الآذان قبلته وأُسْتُــشهد الغــالي

الفجر قام م الصلا يمـسحلى أحزانـــي

دَا كان كلام جِدِّتى بتحكي عن (خالي)

( سِينا ) ياقلب الوطن يابلسم لأشجاني

الرَّمله تنادي الرملة وتِـحلف وبالغـالي
…..

اتبَسِّم شهيد الوطن وعيونه بتغـــادي

يزرع رايات الأمل وبعشقها ينـــادي

ماتهوني ياحبة رمل هايمه ف بلادي

دا كان كلام جدِّتي بتحكي عن خـالي

الزاي يهون الوطن وحيـاتي تِهـنالـي
……

( شِدْوان) صمودك نغم ياعِزَّه لبلادى

يحكى التاريخ ملحمه يحفظها أحفادي

رفع الجنود العلم فوق غرة السّـــاري

الله اكبر أمل … ويقـين يابــــــلادي

موسى كليم الله ف الوادى بيـــــنادى

…..

طاهره يا أرض النــــيل وسينا عنوانـــي

دا كان كـلام جِدِّتي بتحكي عن حـــــالـي

وصباح الخير يا( مصر ) يانبض ألحاني
………….
الجندى قايم خدمته هايـم معاه ضي القــمر

حـاضن سلاحه بسمته مآمن بربه وبالـقدر

يقول يا(مصر)باعشقك والعشق ليكى م القدر

أنا طير بيسبح فى هــــــــواكِ م الــصغر

يكبر جناحى يضمـــــــــنى ورق الشـجر

(مصر) يادرعى ف محنتي وقت الخطر

( مصر ) يا لحني وغنوتى يوم الــــسفر

أضْحك ألاقى فى ضـحكتى حُبِّك مـــطر
……..

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

3 تعليقات

  1. بالتوفيق

  2. أتمنى من الله التوفيق .

  3. عبدالعاطي الغندور

    الله ينور عليك يا شعب رنا الهمام

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *