الرئيسية » مسابقة الشعر العامى » زمن بلا عبير ..مسابقة الشعر العامى بقلم / ولاء فهمى على من مصر

زمن بلا عبير ..مسابقة الشعر العامى بقلم / ولاء فهمى على من مصر

مسابقة مهرجان همسة لعام 2016
الشعر العامى
الشاعر / ولاء فهمى على
مصر
01229759258
fahmy.3131@gmail.com
( زمن بلا عبير )
***********
مُفتتح
——-
باحاول أرسم بالحروف ضِحكة
تدوم و تعيش
فتنزل على الورق دمعة
ما بتسيبنيش
يبان للوجود حُزنى
و إنى باشحت البسمة
و ساعات ما تجيش
———————-
و لقيت جوابه فى كتابى
بيندهنى و مستنى
و كلمة سهلة من حرفين
بيكذب و كأنه بيغنى
و رسمة سهم مع قلبين
ياريته كان بعِد عنى
صحيح سهمك جرح قلبى
لكن سهمى طاش منى
و راح عمرى و ضاع حبى
و مهما تنادى و تحنى
ما هو طبعك مالوش تغيير
و روحى كمان ها تخذلنى
ما تعبت من المشاوير
و جينا فى زمن ماتت
مشاعر و حب كتير
و القسوة خلاص بانت
و الرقة كلام بيطير
و الفرقة أكيد كانت
مكتوبة بدون تبرير
و الروح صحيح تابت
من سِمك و شكله حرير
و ودعتك وداع باهت
مش لايق بحب كبير
دموع عينى كتير قالت
و بتلومنى و مافيه تأثير
عن لحظة كلام ساكت
ذبح شاعر بدون تعبير
أنا و إنت زهور نبتت
لكن زمنك مافهش عبير

 

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *