الرئيسية » مسابقة الشعر العامى » زى مايكون الفراق . مسابقة شعر العامية بقلم / جودة فتحى عبد العال من مصر

زى مايكون الفراق . مسابقة شعر العامية بقلم / جودة فتحى عبد العال من مصر

خاص بالمسابقة

شعر عامي

الشاعر جوده فتحي عبدالعال

مصر -أسيوط -ديروط

01284131855

ّ قصيدة …..

…….زي ما يكون الفراق……
………….

كان لما ييجي أجازة صاحبي….

نتقابل وسط الغيطان….

نتقابل عند السواقي….

زي ما كنا زمان….

نقعد نحكي ف الحكاوي…..

والكلام يجيب كلام…..

قلي…..

يا صاحبي أنا ف سينا…..

واقف أحمي ف الحدود…..

والوصية ليك يا صاحبي…..

أوعي تطلع لما أعود……

بكره أقضي الجيش بتاعي…..

ولما هرجع راح نكون مع بعضنا…..

مستحيل عن بالي لحظة…..

آه يا صاحبي راح تغيب…..

أصلك إنتا ف الحقيقية…..

ليه أكتر من حبيب…..

كنت شايف ف عينه لهفة…..

وإشتياق…..

وابتسامته الحلوة راسمه…..

الطريق ويا البعاد…..

زي ما يكون الفراق…..

قال يا صاحبي إنتا عارف…..

إني مش ممكن أخبي…..

عنك إنتا أي كلام…..

مد إيدو وخد بيدي…..

الوداع يا صاحبي يمكن….

المقابلة تكون منام….

جه ف يوم قلي هسافر….

الأجازة بسرعة خلصت…..

غصب عني…..

العيون غرقت دموع…..

زي ما يكون مش هشوفه…..

والكلام تاهت حروفه…..

قلبي كان مقبوض وخايف….

زي ما تكون النهاية….

زي ما يكون قلبي حاسس….

فجأة قلي إيه يا صاحبي…..

ما إنتا شايف…..

هي أول مرة أسافر…..؟؟؟

ولا يمكن مفيش رجوع…..

قلي إدعيلي يا صاحبي….

وفجأة قلي مليون سلام…..!!!!

مستحيل عن بالي لحظة…..

راح تغيب……

مستحيل ما إنتا الحبيب…..

ما إنتا كل أسراري عندك….

واحكياتي…..

ما إنتا عهدي ف الصداقة…..

عشت معاك أحلي حياتي…..

ما إنتا صاحبي اللي بحبه….

ما إنتا كل ذكرياتي….

زي ما يكون اللي سافر…

مستحيل تاني يعود….

والخبر ف النشرة قايل….!!!!!

إستشهدوا أبطال جنود…..

كان ما بينهم صاحبي راقد…..

كفنه كان علم الحدود……

بالسلامة يا صاحبي أزفك…..

إنتا واللي معاك ف جنة…..

إسمها أم الخلود……

بالسلامة يا صاحبي أزفك…..

إنتا واللي معاك ف جنة…..

إسمها أم الخلود…..

………..
بقلمي الشاعر جوده فتحي

…..
رحم الله شهداء الوطن وتغمدهم برحمته وأسكنهم فسيح جناته…..
وحفظ الله مصر….

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *