الشعر والأدب

سؤال لقلبى .قصيدة بقلم الشاعر / صلاح الراوى

مش كنت يا قلبى تغزل .. روح السماااااوات دواير

وتحل حَبْك الضفاير

وتحيل صفير التصاوير

خارج حدود التفاااااسير

لِلَحن بالنخل بيطير

على صوت مدد فى البنااااااادير

من سِيدِى ( عُون ) اللى طاير

***

مش كنت يا قلبى تزعق .. من آخر الكون لآخره

أول زمانه وأواخره

وإرقِى الجمال فى سواحرُه

سحر الوجود واللى ساحرُه

وصُرّ نهره وبحرُه

عشب الجبل شوقه ناحرُه

لو غبت مين ؟ فين ؟ يساهره !!

***

مش كنت يا قلبى وتهيم .. وتقيم ميزان الفرايد

فيك الترانيم شدايد

والكون قريتُه وعايد

والبحر طامِى وزايد

والشوق على الشوق وَقَايد

كَوْثَرْت والليل هوايد

مية ألف من نهر رايد

***

مش كنت يا قلبى ترمح .. تسعين سما رَمح خَايل

وبنظرة تبدر خمايل

وبلمحة تركض خوايل

روحك كتاب الدلايل

يا رُمح للنخل طايل

التمر مالى السلايل

عسل السما منه سايل

***

يا قلبى مش كنت توصِل .. وصل اللى فصْله يواصل

نور المدد شوق وحاصل

يفتح بيبان الحواصل

والتمر للسقف واصل

ولا حلم إلا وحاصل

غايبة جميع الفواصل

والقُطب حَدّ النواص

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق