الرئيسية » مسابقة الشعر العامى » سجون العتمة .مسابقة شعر العامية بقلم / زينب أيو الفتوح من مصر

سجون العتمة .مسابقة شعر العامية بقلم / زينب أيو الفتوح من مصر

Spread the love

قصيدة بالعاميه المصرية خاص بمسابقات مهرجان همسه الدولي لعام 2016الإسم زينب أبو الفتوح اسماعيل /الشهرة زينب أبو الفتوح قصيدة بعنوان (سجون العتمه)
ــــــــــــــــــــــــــــــــــــــــــــــــــــــــــــــــــــــــــــــــ
سجون العتمه

و بارميكي يا آهة جرح
على جدار الزمن الأخرس
ترُديلي ..
تعدي عقارب الساعه
تشيلي العمر ف جبيني
تعديلي ..
ثواني عمرنا المجنون
بتتأخر ..
قصور الوقت تتبخر
مهيش عايزه زمن أكتر
و لا بتحلمش
برعشة رمش
بيسافر بلاد النور
ــــــــــــــــــــــــــــــــــــــــــــــــــــــــــــــــــــــــــــــــ

بيتحرر .. من الألوان
و م التصاوير
بابيعك يا آيات الوحده
و بارفض أجعلك وِردِي
كفايه التلج و الضلمه
و سجني فى متاهة ليل
كتاب الانكسار حفظاه
دبول الورده ف خدودي
ده شئ عادي
و ليه ألعب معاك حَذَّر
و اخبي بايدي رمش عنيك
مدام عمرك شتا على طول
سجون العتمه شط كبير
ــــــــــــــــــــــــــــــــــــــــــــــــــــــــــــــــــــــــــــــــ

ملان خفافيش
ما بعشقهوش .. لكن زرته
بآهه خارجه بالراحه
و رافضه الهدنه والتسليم
و رافضه الكلمه تِتصَلِّب
أو تتغني ف بلاد صُم
و رافضه شكل حريه
محزمينها بالتفكير
مزوقينها بفيونكه
و رمينها ف قفص
عصافير

.زينب أبو الفتوح

السويس

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

رسالة من الغربة,مسابقة الشعر العامى,بقلم/صابر فرج ياسين على .مصر

Spread the love مسابقة الشعر العامي الأسم صابر فرج ياسين على ( جمهورية مصر العربية …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *