الرئيسية » مسابقة الشعر العامى » سفينة العرب .مسابقة الشعر العامى بقلم / مصطفى عبد المجيد عبد الشافى من مصر

سفينة العرب .مسابقة الشعر العامى بقلم / مصطفى عبد المجيد عبد الشافى من مصر

خاص بالمسابقه العاميه

قصيدة سفينة العرب
=============
قوم ياشيخ العرب
بحكمتك جمعنا
رخصنا فى سوق النخاسه
وبالبخس إتباعنا
عال العويل العرب
وبجهله ضيعنا
=—————
جف نبع النخوه
فى ارض المجاهدين
شعب فلسطين المحتله
فى المحنه متفرقين
حصار وتجويع وتدنيس
والعرب صامتين
——————
شجرة الثقافه مالت
ونشفت جزورها
وشمس العراق غابت
وانطفى نورها
والبلاد العربيه واقفه
تنتظر دورها
—————–
سمك البحر مات
لما طلع م الميه
ليبيا ارض الجهاد
ضيعتها الرفاهيه
رفعو سلاحهم على بعض
وضربو للعدو تحيه
———————–
الثمره لو انشقت
لابد انها تعطب
والسودان بقت دوليتين
وتاريخها بيتشطب
واحنا من السكوت
لسانا بتحطب
—————-
مزعنا ثوب الوحده
وانكشفت العوره
سوريا ارض الاجداد
بتضرب فيها كم دوله
شعبها الطيب اتشرد
لا قوه ولا حوله
—————-
هبت رياح الغضب
لما افتروا الحكام
صحينا على فجر جديد
جايب معاه الاحلام
اتارينا سجنا الوطن
والحكم كان اعدام
—————–
إتنبح صوت الجدع
من كثرة الكلام
تفرقونا ليه بحواجز
يا سادة الحكام
بالوحده يا أمة العرب
يذوب سواد الغيام
——————–
انفرطت حزمة الحطب
وكلنا انكسرنا
وبقينا غساء سيل
واتبددت افكرنا
واتكلمو التافهين
وانخرسو احرارنا
—————-
على موج البحر
واحنا ثقبنا السفينه
هوا احنا قطبانا اعمى
ولا احنا اللى اتعمينا
ازى واحنا متفرقين
ترسى السفينه عا المينا
===============
الشاعر مصطفى عبد المجيد
عبد الشافى من المنصوره مصر

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

كان حب شديد. مسابقة العامية بقلم /سامح كمال عزت المنواتى.مصر

خاص بالمهرجان ( عاميه ) ( كان حب شديد) إنسى أى كلام من تانى دا …

تعليق واحد

  1. مصطفى عبدالمجيد

    الف شكر لكم ولكم منى مليون تحيا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *