مسابقة الشعر العامى

سفينة نوح. مسابقة شعر العامية بقلم / اسماعيل العجمى من مصر

Spread the love

خاص بمسابقة شعر العامية
الشاعر / اسماعيل العجمي ….. الشرقية – مصر
هاتف / 01063486343
قصيدة ( سفينة نوح )
________________________________
حبك صلاة النبى خلانى ليه مجذوب
ابنك منيش احنبى ولا ع البيبان مصلوب
وما دام هواكى حكم راضى انى ابات مغلوب
واخدم فى دوارك واسقى ضيوفك شاى
والامر يصدر اطيع ومقلش ليه وازاى
ولا قلبى يعرف لوم
رافض اخون وابيع و ابقى امير القوم
رافض اكون حيه الجلد ناعم اه بس الوريد مسموم
بحلم اكون ميه ترويكى بعد الصوم
طفل ف رحاب حجرك عمال يقع ويقوم
المس حنان صدرك يغلب عليا النوم فاتمد جواكى
راضى اعيش مهموم لو قلت بهواكى
من قلبى حبيتك
قلبى عجينو خمر مدلوق عليه زيتك
بلمس بايدى الحرم وامسح حيطان بيتك
يا عصمتى وعرضى
بيقولوا مش ارضى
طب ليه انا جيتك
واما انتى مش فرضى
طب ليه يا روح الروح صمتك وصليتك
يا قبلة الاوطان يالى قيراط الرضا منك متين فدان
لو عزتى يوم عتال
متعبش م الاحمال
واصعد لاعلى سطوح
وان عزتى يوم شيال
افرد وريدى شال
وابقى سفينة نوح
وان جيت فى يوم قلتلك
هاتقبضينى كام
ابقى ساعتها اندمى
على خدمتك ليا
دا انا حتى يومها اكون
مقتول بدون ديه
وبقلك استخسرى تاخدى العزا فيا
يا جمعنا الموجود
كونوا عليا شهود
راضى ياكلنى الدود
بس تعيش هيه.
____________

تعليقات

تعليقات

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق