ط
مسابقة الشعر العامى

قصيدة.:.بحب الشعر . مسابقة الشعر العامي بقلم / محمد السعيد عبد النبي

..مسابقة مهرجان همسة الدولي
قصيدة…بحب الشعر
الفئة…الشعر العامي
الأسم ..محمد السعيد عبد النبي
الشهرة…الشاعر محمد السعيد
……..شادي بورسعيد
مصر …بورسعيد
01222193309
القصيدة….بحب الشعر
…..
بحب الشعر لما تقوله نظراتي
واحسك مهما كنتى بعيد
واقولك حرف متشعلق بنبضاتى
فتعلا فى دقتى التناهيد
ف احسك عيد
واحبك انتى بالتحديد
يشاور حرفي لعينكى يقولك انتى نص جديد
يقولك حالتى فى حبك
من الصعب ان تتكرر ولا لغيرك حقيقى تعيد
بعيد
عن القافية والاوزان
و عن تفعيلة بتخدني
وعن كميا ف ضل عينبكى بلمحها
فى مكان
معادلة
غرببة
فى حياتى فاليه احبك
وليه انساكى فممكن وايا نسياكى
تكرر صورتك الايام
فانساكي كمان وكمان
عشان احلم بطيف سيرتك
وكل دقيقة بتعدى معاكي اعوام
صحيح البعد له احوال
وعمر عينيكى ما فاتني ولا قلبى بغيرك هام
مابين الدقة والدقة خيال صورتك فى روحى يبان
بميت ضحكة وميت
فرخة تاخدنى فى دنيتك ايام
ومين قالك بانك غايبه عن روحى
وعن تفكيرى وجروحى وليكى
فى نبض قلبي مقام
اقوم الصبح على همسك
اشم الورد من خدك
تصلى
اشواقى لعيونك
وترفض غيرها تبقى امام
احسك رعشة جوايا بتكتب بالحروف احلام
فكل ورود عيون قلبك
هلال فى النص من شعبان
ف اقول
ده صيام
ف يجمعنى الفطار حبك
واشوفك بدر تم كمال
احس انك فطرتى زمان
فانساكى كمان وكمان
ده نص جديد
و كل قصيدة بكتبها
حروفها ف قلبي ليها ميزان
يطبب نبض اشواقى
ف احسك كل وقت اذان
واحبك تشهد الايام
واقولك شعر فى عيونى
ولو تغفل
دموعى فوق سطورى
تبان

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى