الرئيسية » الشعر والأدب » شهيد الواجب .قصيدة للشاعر / أحمد عزت

شهيد الواجب .قصيدة للشاعر / أحمد عزت

احمد عزت
شهيد الواجب
إحنا قلوبنا موجوعة
ومش ناسيين بإنك كنت وسط النار
عشان إحنا نعيش في أمان
تضحى بكل أحلامك
وتفضل راسنا مرفوعة
يا فخر لكل مصري شجاع
بروحك كنت لينا دفاع
يا أشجع إبن في الدنيا
بنشكر كل نقطة دم
نزلت لأجل مصر تعيش
هاندعيلك .. وهنكمل طريق النصر بجميلك
وجيشك مش هاينسي التار
وموتك زادنا م الإصرار
على حب الوطن والأرض
على محاربة خسيس غدار
ما يقدرش على مواجهة أسد مصري
دموع أم الشهيد غالية
ورسمت فينا حمل تقيل
وحسينا إن مصر أمانة في قلوبنا
وراح خير شباب الجيل فداء وطنه
وفضلت راية النصر مرفوعة
وجه دور كل مصري أصيل
يفيد شعبك ويفديكى
يا أم الدنيا بنحبك
عاهدناكى بفضل الله
هانحميكى
عشان خير جنود الأرض ع الجبهة
عشان نيلك في كل وريد
ومجد وعزة سقتينا
فدمنا مش هيغلي عليكى
ما هو احنا شهيدنا عند الله
بيرزق حى
وهنكمل عشانه الجاى
يعيش بالذكرى جوانا
وتفضل مصر ف عنينا

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

محلاك يانور النبى . قصيدة للشاعر / سامى فرغلى ( قربان المصرى)

محلاك يا نور النبي يا للي نورك نور حياتي وحبي ليك كان أختيار والهوى بيني …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *