مسابقة الشعر العامى

صاحبي .مسابقة الشعر العامى / بقلم / شريف الرفاعي

Spread the love

صاحبي
شريف الرفاعي
صورتك على برواز و ف قلبي
لسه انا فاكرك قاعد جنبي
واوعاك تزعل بس يا صاحبي
أصل الذنب كمان مش ذنبي
بس هجبلك حقك برضه
و اللي بيظلم روحك عرضه
قتلك و انت بتعبد ربك
قتلك لاجل ينفذ فرضه
ا*******************ا
رد عليا يا صاحبي و قول
روحي لربي و اسمي مسافر
يقتل فيا يقول انا كافر
بس انا برضه لسه بعافر
عايز امي تخش الجنة
لما تشوفها بلاش أتمنى
بس أمانة تبوسلي ايديها
و ابقى كمان طمني عليها
هي و مصر كمان عزيها
و اكتب فيا يدوب سطرين
دمي بيروي الصحراء في سينا
كنت بدافع لاجل الدين
جالي التعلب بالسكينة
قطع فيا وقالي آمين
ا******************ا
فاعرف اني يا صاحبي شهيد
عرف امي كمان الكلمة
و بلاش جرحي انا فيها يزيد
يجي النور وتروح الضلمة
و احنا هنبدا عصر جديد
ياما دموعك غاليه عليا
راح تلقيني ف يوم كشهيد
راح تلقيني ف يوم كشهيد
خاص بالمسابقة

تعليقات

تعليقات

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

تعليق واحد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق