الشعر والأدب

صبح و مسا …للشاعر / علاء الدين على

علاء الدين على
** الصبح**
صباح الورد والنرجس
على عنيكي
صباح قلبي اللي بات يرقص
يناديكي
شروقك نور الدنيا
شعاع الشمس فعنيكي
بحبك زي نجم بعيد
وأنا فعلا قريب ليكي
صباحك نسمة يا غالية
عبيرها لمسة ف إيديكي
صباح شحرور على الشجرة
بتغريدة يصحيكي
صبأحك لما تبتسمي
وأنا وقلبي حواليكي
عيون البسمة بالسكر
أدوب فيها وأدوب فيكي
*** المسا***
مساء النهر لو يجري
لضي البدر
ينور للسمك سكة
يعيش الفجر
مساءك إنتي يا غالية
يا عمر العمر
ولو كان السمك نبضي
فإنتي البدر
أما النهر د عشقك
واقولك سر
أنا غرقان ومش لاقي
لقلبك بر
مساء الرقة ماترقي
كفاكي الشر
تكوني ف يوم كدا زيي
ف عز البرد بتقولي
هموت م الحر
مساء الخير على قلبك
ودا قلبي مابين إيدك
وتحت الأمر
********
كلماتي //علاء الدين على

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق