الرئيسية » مسابقة الشعر العامى » صدى الآهات .مسابقة العامية بقلم / بهاء الدين بدوى من القاهرة

صدى الآهات .مسابقة العامية بقلم / بهاء الدين بدوى من القاهرة

بهاء الدين عبد الحكيم بدوي
القاهرة – شبرا
هاتف : 01120726037
ايميل : baha21c@hotmail.com
مشاركتي في المسابقة
قصيدة عامية بعنوان : صدى الآهات ..
~*~*~*~*~*~*~*~*~*~*~*~*~*~

الأولى آآآه على قلبي
اللي راح ولا جاش ..

والتانية آهين ع اللي حَب
ولا اتهناش ..

والتالتة تلاتين آه ع اللّي باعني
يادوب ببلاش ..

واللي مالوهش حبيب
ياعيني لامات ولاعاش ..

….

داريت الدمع في عيوني

وجوا الروح آهات وأنين

….

وصوت الناي يواسيني

ويشجيني بلحن حزين

….

وكان خِلـي يسـليني

وفاتني وراح وأجيبه منين

….

وسال الدمع من عيني

وجرحي زاد بقا جرحين

….

لاطب طبيب يداويني

ولا الأفراح تشوفها العين

….

قدر مكتوب على جبيني

يعيش جرحي معايا سنين

….

وأقول ياصبر وافيني

وبس الصبر ألقاه فين

….

تاخدني الآه توديني

وصوتي صداه يعود آهين

….

وأنام وأصحى على أنيني

وأحس بقلبي ناره نارين

….

وليل الغربة يطويني

ويسفيني بكاس حرمان

….

وأشكي للّي بـاريني

وأقول ارحمني يارحمن

وأداري الدمع في عيوني

وجـوا الروح آهات وأنين

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *