ط
الشعر والأدب

يعني إيه كلمة ‫#‏وطن‬ ؟؟ للشاعر / يسرى الفار


يسرى الفار

يعني إيه كلمة وطن
حب في القلوب سكن
لاهو فرض ولاسنن
بس مين اللي فطن

****

يعني فرش
وبيت صغير في الميدان
يعني صوت جرس كنيسه
وصوت آدان
يعني صوت بياع
بينده عالبيبان
يعني وش بشوش
يصبح ع الجيران
يعني حضن يضمنا
جواه حنان

**

يعني إيه كلمة وطن
يعني واو وطه ونون

واو …
وجودنا كلنا
.. وإزاي نكون
واو …
وجعنا من المحن
جواه تهون
واو ,,,
وقفنا في الميدان
قدام حصون
ط ..
طريقنا في الزمان
عمره مايرضي بهوان
والعيون ماليه المكان
فاتحة دراعات الأمان
نون,,
ده نور من الأيمان
حرف طيب ف اللسان
وش طاهر له بيان
جـَمـَعـُه صوت الآدان
فـَرَقـُه صوت السياسة !!!
……..في الميدان

!!!!!!!!!!!!!!!!!

يعني إيه كلمة وطن
حب في القلوب سكن
لاهو فرض ولاسنن
بس مين اللي فطن

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى