الرئيسية » الشعر والأدب » صعيدى كلمات الشاعر/ راسم محمد

صعيدى كلمات الشاعر/ راسم محمد

راسم محمد
صعيدى
=====
دنيا وياما مداريه
خديها ببساطة وطيبة
خديها كده زى ما هيه
لا تقولى اوووو ولا قول لا لووو
ولا حتى بنجور ولا هلووو
قولى مسا الخير يا عنيه
لا هرد طبعا اقول مرسى
ولا سنك يووو بسهتنه فاضيه
راح اقول مساك عبير وزهور
وادعى الاله يخليك ليه
انا اصلى بلدى ومتولف
على اكل الفول والطعمية
اصل البتيه والبتون سليه
عمره ما بيحوق فيه
ميغركيش ان انا عايق
والبدله اوى لايقه عليه
دا انا اصلى صعيدى ومتاصل
وبيزنى شالى و الجلبيه
شاعر صحيح امور ولطيف
وعلى حد قولك شيك وسبور
وكل دور بيليق ليه
لكن يا ستى ان جيتى للجد
انا عصبى جدا نار حامية
ازعل واثور ودمى يفور
لو حد يتعالى عليه
حمقى وتملى يقولوا مغرور
ميعرفوش اسمى ما فيه
انى بعاداتى وتقاليدى
شرف لمصر ام الدنيا
فى اى مكان اكون بالكون
الكل يتهافتوا عليه
يتعلموا منى الهيبة
وبرضه الحنان ويا الطيبة
ويسالونى يا ناس ع التار
اقول يا ناس ودى غريبه
لما اثور يا ناس على العرض
ولا اموت علشان الارض
وعلى الدم اعملى مصيبه
مهما اكون واعى وعالم
تقاليدنا دى ليها معالم
ممكن يكون فيها يا ناس كفر
لكن ايمانا بها واجب
بالعرف نرضى ونتصافا
وكلام كبيرنا دوم صايب
نسوانا اميرات مش غايه
لا هما عبيد ولا سبايه
حتى اسالوهم هيقوله
زين الرجال دا ابو عبايه
راجل وبيعيش من كدو
ولا يملا عينى يا ناس زيو
لو امتلك كنت احطه
بنن عيونى وحشايه
يكلها بملح ولا انه
يمد لحسيس يوم يده
فارس بحكمه يا ناس قاضى
وامره ديما سيف ماضى
ولو قالى يوم انا اطب البحر
اعملها وقلبى كمان راضى
بر وصوان لعياله
وبيتعايقوا بيه عمو وخاله
راجل وزينة الرجاله
عشان كده قولنا جواهر
اوعاك بتاخد بالظاهر
دا الارطه من صنف النسوان
متساوى منها يا ناس ضافر
وعشق الرجال عندينا غيه
ومواويلنا كلمات م الغاليه
احسن ما فيها انها لما
تكون بمصر ام الدنيا
ومهما برضه اقول واعيد
ارجع اقول موضوعنا بسيط
دى دنيا و ياما مداريه
خديها ببساطة مع طيبة
خديها كده زى ما هيه
ومهما كانت دواره
احلف مهتاثر فيه
ما دمت عايش انا راضى
بحالى وعاداتى وتقليدى
هازعق اقول والله صعيدى
وشرف لمصر ام الدنيا
بقلم
=== الشاعر \ راسم محمد

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

أيلول ُ ينتظرُني .. قصيدة للشاعر / زكريا عليو

& & أيلول ُ ينتظرُني & &… .. مذْ سقطَ مغرِّباً وجهي جثوتُ على أطرافِ …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *