( صلاح الدين ) قصيدة عامية للشاعر/ طارق العجمي
مصر _ للمشاركة في مسابقة همسة 2018
_____________________
شروعي فـ هجرتك تهمة
وبعدك شئ ما كان مقصود
بزورك في السنة مرة
وحبي ليكي ما له حدود
ونفسي أعود كمان لكن
أخاف الغربة لــ تهوًن
سنيني الصعبة ماعودشي
وانا قلبي ضعيف أصلآ
أخاف لا يروح ميرجعشي
يعز عليا هجــــــــــرانك
واخاف الدنيا لا تدوسك
وانا الي سكنت جدرانك
وانا الي قهرت هكسوسك
انا اول تاريخ أرضك
انا شرفك وانا عِرضك
وانا موسى فـ زمن فرعون
وانا يوسف وإخنا تون
وانا الناصر صلاح الدين
انا القائد في يوم حطين
وانا قاهر جيوش تيموجين
ومينا ومنكرع وآمون
انا التاني وانا التالت
وانا العاشر وانا المليون
وانا البحرين على حدودك
هرم منصوب على كتافك
انا الأقصر وأسوانك
ونيل ممدود كشريانك
انا منك وعلشانك
وشايف 100 وجع هدك
يطل الصبح على أرضك
يلاقي الطين بيتشقق
شواشي القمح هلكانه
وشمسك رافضه ليه تشرق
وجندك ليه صبح متخان
وقلب جبان مهوش انسان
بيرمي الطلق ع الصايم
ونايم قلبي مش داري
بصوت المعركة سينا
كنيسة مارسيا ومينا
وصرخة مدنة الروضة
وجيش صامد مبيهابشي
وانا راجل مبيخافشي
بقولها مصر مش فوضى
وكل الكون كمان سامع
هجهز 100 طلب عودى
صلاح الدين خلاص راجع.
…………………………..
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
