مسابقة الشعر العامى

ضرير شايف .مسابقة الشعر العامى بقلم / سميره ابراهيم محمد الإسريجى

سميره ابراهيم محمد

سميره الاسريجى (ماما نونه)

مصر مسابقة شعر العاميه

والفيس سميره ابراهيم

___

 

ضرير شايف

ضرير وماشى فى سكته

سامع قلوب الناس

من نبرة الصوت والفطن

شاف الطباع إحساس

 

دقات قلوب

صوت ضحكها

يشبه بكى التمسايح

تعلى وتضوى بضيها

ولكنها لتجريح

دقات شماته ومنظره

على نبض قلب جريح

 

وقلوب تدق من الفرح

صوت دقها أنغام

تفرح القلب العليل

وتعيشه فى أحلام

يطير معاها فى السما

يحضن نجوم الكون

وضحكته تقول للقمر

أنا جيت خلاص هاتقوم

إمسح دموعك ياقمر

مفيش مكان لهموم

 

وقلوب تدق بعشقها

ف العاشق الولهان

تنده بإسم اللى إتعشق

وتقول كلام فتان

توصفله شوقها وحبها

وغرامها والأشجان

 

دقات قلوب

عايشه و يادوب

بتدق بالعافيه

شايله الهموم بالكوم

و لكنها صافيه

وبرغم شدة جرحها

قادره تداوى الغير

قلوب ماعرفت عمرها

غير إنها بالخير

تصبح قلوب طيبه

وتبات قلوب شافيه

 

وقلوب تبدل دقها

ولا تعرف العيبه

قادره تلون كدبها

يبان شرها طيبه

 

ووسط دقات القلوب

سمع الضرير دقه

صوتها بيشكر ربنا

بالحمد ع النعمه

تخشع وتبكى بدمعها

وكأنها ساجده

بتشق صدره تبشره

فقد البصر نعمه

ده اللى يشوف خبث

البشر يتمنى لو يعمى

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

تعليق واحد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق