الرئيسية » مسابقة الشعر العامى » ضيعتوا ليه كل المعانى . مسابقة الشعر العامى بقلم / أسامة جمال من مصر

ضيعتوا ليه كل المعانى . مسابقة الشعر العامى بقلم / أسامة جمال من مصر

اسامه جمال
خاص بمسابقات مهرجان همسه
من مصر
شعر عاميه
ضيعتو لية كل المعانى
هديتو ليه اجمل قيم
عايزنا لية دايما نعانى
احنا بشر ومش صنم
جوانا لسة فى امانى
ممكن تحققها الهمم
مااهيش دايما دا العمر فانى
اللى بيرحم يترَحــــــــم
م الضحكة دايما تحرمونا
فى الفرح والحزن تلمونا
ولا مره فى حضنكم خاتونا
بقالكو ياما بتظلمونا
صعب جدا تكسرونا
ولا حتى تقدرو تسوقونا
اللى بيتساق بس الغــــــــنم
لونتو لية نهار الصباح
بلون اليأس والهموم
غيرتو لية طعم التفاح
بقا كلة هم م السموم
الظلم ليه اصبح مباح
واللوم بيجى ع المظلوم
مع انه وسطيكو اتفـــــــــرم
انا المصرى دايما بسيط
عمرى ماكنت يوم حويط
ساكت وماشى جنب الحيط
وسط الزحام مع التخبيط
راضى ورافع العلـــــــــــــــم
من صغرنا عايشين سوا
بأيديك بتدينى الدوا
بتخاف عليا م الهوا
ليه شكلك منى اتلوى
بحبه خـــــــلاف
طول عمرنا
انت وانا
عايشين هنا
على ارضنا
طبلية واحده
تلمنا
لو كلنا عليها لقمة حاف
انا وانت معروفين اوى بالشهامة والكرم
مصرى وابويا كان سودانى
قالى ماتكونش فى يوم انانى
اسأل على اخـــــوك اللبنانى
واخوك اليمنى والليبى
والعراقــــى والمـــوريتانى
وتونس والجزائر
ماتقولش الدنيا وخــــدانى
والسعودى والكويتى
دا فرض مش عمل انسانى
والاماراتى والفلسطينى
والبحرينى والعمــــانى
معاهم عمرك هاتبقى واحدانى
ماسمعتش كلام ابويا
وكأن ودنى غطاها بويا
بعد ماكنا قوة وحزمه
قدرو علينا ولاد ال….
قدرو علينا اللى مالهم لازمه
فى عز الشدة وقت الأزمة
لاقتنى واقف فردانى
موقفش جنبى ابو الهول ولا حتى ساندنى الهرم
ماتيلو بينا ياعرب
ترجع من تانى وحدتنا
تبقى من راسنا كلمتنا
يبقى من فسنا اكـــلتنا
ننهض ونثور لكرمتنا
نفوق بقى م الغيبوبة
نِرجع الهمه المغصوبة
لو كانت الصـحة معيوبة
عمرها ما هاتموت العروبة
واحشانا والله ياعروبة
لو بس ينطق يتكلم الزرع ومعاة الصنم
واحشانا والله ياعروبة
واحشانا والله ياعروبة

قلمى***#اسامة_جمال***حلوان***

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *