الرئيسية » مسابقة الشعر العامى » عشانك ياسمرة ..مسابقة شعر العامية بقلم / عبد المنعم الحريرى من مصر

عشانك ياسمرة ..مسابقة شعر العامية بقلم / عبد المنعم الحريرى من مصر

Spread the love

عشانك …….. يا سمره
…………………………….
عشانك يا سمره عشقت الاغانى
وقولة بحبك بكل المعاني
لا انا أول اللى فتنهم جمالك
وآخر اللى فى حبك يعانى
…………………………………
بسافر وبرجع لاهلى ودارى
وشلة صحابي ف ساعة العصارى
رجولة وشهامة ف قلب الحواري
والاقيكى عايشه ف روحي و كياني
…………………………………….
بيعلا أدانك على كل مدنا
والله محبه تجمع ولادنا
يا جميزة تحضن ف ترعة بلدنا
تشبك فروعنا وتطرح امانى
………………………………….
عزيزة وربك هو اللى حارسك
بفلاحك اللى يخضر ف حرثك
شبابك تملى دراعك وحارصك
يوصل سفينتك لأجمل مواني
…………………………….
بحبك فى طالب يحى العلم
وشاعر بنبضه بيمسك قلم
ويكتبها غنوه تزيل الألم
وعشره وصحبه لها شكل تانى
…………………………………
بحبك ف ضحكه لأبنى وبنتي
وورده بتوصف مشاعر حبيبتى
وبعشق ترابك كدا زى مانتى
وهفضل احبك لآخر زماني
لا انا أول اللى فتنهم جمالك
ولا آخر اللى فى حبك يعانى
……………………………………………
عبد المنعم الحريري…..المحلة الكبرى …01062290653

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

رسالة من الغربة,مسابقة الشعر العامى,بقلم/صابر فرج ياسين على .مصر

Spread the love مسابقة الشعر العامي الأسم صابر فرج ياسين على ( جمهورية مصر العربية …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *