الرئيسية » الشعر والأدب » علشانك .قصيدة وطنية للشاعر / محسن حلمى

علشانك .قصيدة وطنية للشاعر / محسن حلمى

محسن حلمى
___________
علشــــانك

علشانك نفحت في الصخر
يا بلدنا .. وبهمّة وفخر
ونقول للعالم …. جايين
مصريين .. ودي أمّنا مصر
****
علشانك نتحدّى الموت
نتعدّى الأهوال ونفوت
ونصحّي الإيد النعسانة
ويّانا تعمّر في بيوت
****
علشانك نفتح كرّاسنا
مدارسنا نورنا ونبراسنا
من أوّل صفحة هـ تجمعنا
جوامعنا تحضن كنايسنا
****
علشانك نخلق مِيت فكرة
نتعلّم .. نرسم .. وهـ نقرا
ونسلّم ع الصحرا الصفرا
بمعافرة تتحول خُضرة
****
علشانك هـ نربّي عيالنا
على حبّك .. ودا كل آمالنا
نسقيهم من عزّة نيلك
من ليلك تسطع مواويلنا
****
علشانك هـ نشيلها آمالك
في عيونّا .. ونخطّي قبالك
مليانا الفرحة وبهجتها
حلاوتها يوم فتح قنالك
_____________________
(((((((محسن حلمي)))))))

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

أشفق عليك ياقلبى .خاطرة بقلم / إبراهيم راضى

أشفق عليك يا قلبي المسكين……. أشفق عليك من كثرة الألام كل وقت وحين….. أشعر بأنك …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *