الرئيسية » مسابقة الشعر العامى » علمنى هواكى ,مسابقة العامية بقلم / أشرف فؤاد السمادونى من مصر

علمنى هواكى ,مسابقة العامية بقلم / أشرف فؤاد السمادونى من مصر

(((((علمنى هواكى))))) شعر عامى/
01007843166/01278429038/مصر
********************************
علمنى هواكى
أفوت ف الصخر
واحطم كل القضبان
علمنى أشق
سواد الليل
وأستنى الفجر
يفتح وياكى
صفحة بكره
وينادى الحق
ف كل مكان
علمنى أضحى
واصحى ف روح
الكل جروحى
علمنى هواكى
أبيع الدم
أبيع النبضه
وافرج عنك
كل الهم
علمنى هواكى
أكون انسان
رغم الاحزان
علمنى اتألم
واتعلم أخلق
ف عروقى
(100) مية بركان
ولما تنادى عليا
أجيلك
ولما تقولى
روح وفارقنى
أروح وأفارق
علشان ترضى
وأكون راضى
علمنى هواكى
أطيعك
وأبيع نفسى
قبل ما افكر
انى أبيعك
علمنى أغنى
فى عز الدمع
ما يملا عنيا
علمنى أهنى
عدوى
بفوزه ونصره
عليا
علمنى أقول
للدنيا
يا دنيا
ليه أيامك
رايحه وجايه؟؟؟
علمنى هواكى
كمان ياعنيا
أضيع من أرضك
ورغم ضياعى
بفضل ساكن
جوه فى قلبك
وعدك ليا
بانك ليا
بيصبرنى
وانا ف بعادك
بفضل دايما
فاكر وعدك
انى ف قلبك
أول حب
وآخر حب
م انتى الأصل
وكل بنات الدنيا
الصوره
م انتى الحسن
ومهما يطول
الوقت عليكى
همحى هزيمتك
وهخليكى
انتى المنصوره
************************
كلمات/ أشرف فؤاد السمادونى

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

مليش في السياسة.مسابقة الشعر العامى بقلم / إسماعيل العجمى .مصر

قصيدة عامية مسابقة همسه 2018 للشاعر / اسماعيل العجمي _ مصر بعنوان مليش في السياسة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *