مسابقة الشعر العامى

على كل لون .مسابقة الشعر العامى بقلم / أحمد كامل محمد من مصر

Spread the love

أحمد كامل محمد
الأسكندرية / مصر
شاعر و زجال هاوي
ت :01220609163
قصيده من الشعر العامي
( على كل لون )
،،،،،،،،،،،،،،،،،،،،،

بحبك يا بلدي………. على كل لون
بحبك يا بلدي………… ومهما يكون
،،،،،
بحب الكنايس……… واحب الجوامع
واحب المطنش.. واحب اللي سامع
،،،،،
بحب الحواري ……….واحب القصور
وبعشق تاريخك….. في كل العصور
،،،،،،
بحب الصداقه ………..على أي لون
مثقف و جاهل….. و قاسي و حنون
بحب الأصاله …………واحب الفنون
بحب الرصانه……….. واحب الجنون
بحب الزحام ………..واحب السكون
بحبك يا بلدي……….. على كل لون
بحبك يا بلدي………… ومهما يكون
،،،،،
بحب النزاهه ………واحب البساطه
بحب المصانع…….. و ورش الخراطه
،،،،،،
بحب الطعام ………..واحب الشراب
بحب الفلافل………… واحب الكباب
،،،،،،
بحب الكنافه …………واحلي بمش
بحب الصراحه…….. ومعرفش اغش
،،،،،،
بحب الصغار…………. واحب الكهول
بحب الحضاره…….. وصحرا وسهول
بحبك يا بلدي……….. على كل لون
بحبك يا بلدي…………. ومهما يكون
،،،،،،
بحب الشباب اللي مـاشي يعاكس
واحب البنات اللي تـعـرف تشاكس
،،،،،،
بحب الشوارع ………….وبركب ترام
بحب الفراغ………….. واحب الزحام
،،،،،،
وقعدة صحابي……. ورغي السنين
و سهره جـميله في حي الحسين
،،،،،،
بحبك يا بحري……… واحب الصعيد
بحب القريب…………. واحب البعيد
،،،،،،
بحب الفقير ………اللي قاعد وحاير
بحب اللي ساخط على الـظلم ثاير
،،،،،،
بحب الغتيت……. و احب الحسيس
و بعشق صحابي…في واقع و فيس
،،،،،،
بحبك يا بلدي …….ومظلوم معاكي
و برتاح في حضنك و روحي فداكي
بحبك يا بلدي………. على كل لون
بحبك يا بلدي………… ومهما يكون
،،،،،،
تحياتي للجميع / احمد كامل

تعليقات

تعليقات

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

‫2 تعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق