ط
الشعر والأدب

قصيدة : أنا والبحر .. للشاعر / وليد المصري

أنا والبحر

*****

سنين ماشيين فى سكة الأحلام

ساعات العمر بتفوت وتتجمل

قلوب البشر بالحزن والأوهام

نشوف البحر نسرح ونتأمل

ونتذكر ماضينا إللى كله آلام

فى دوامة الحياه بنصبر ونتحمل

ونحلم نشوف إللى جاى قدام

حلمنا إللى ماتحققش وتأجل

وحب حياتنا إللى ضاع مع الأيام

دموع فى العين بتنزل وتتشكل

وتسيل ع الخدود ألغام

تفجر فينا هموم ماتتلمش

تفتتنا ونبقى حطام

وكل مانجمع فى قوه

الناى بيعزف وجعنا أنغام

ويوصف قلوبنا من جوه

ويحكى ويترجم معانى الكلام

ونحس بألامنا فى الغنوه

البحر بيثور ويطرد لسكانه

وبيدى الخير والرزق للصيادين

كتير بيحزن ويعبر عن نفسه

ويبوح بالجراح وصوت الأنين

ويغضب ويطرطش بموجه علينا

ويبلع كتير م البنى أدمين

يابحر بنلف معاك فى دوامه

ونرمى شباكنا فى رزقك الواسع

بتعاند معانا كتير ياما

لكن برضو بنشقى ونصارع

يابحر مين قساك علينا

والقوت مابيكفيش يسد الجوع

فلوكه حلمنا دابت من الدوبان

وماشيه فى خط سير مقطوع

سنين ماشافتشى غير أحزان

فى مكان مافيهوش رجوع

عدت حدود الزمن مع التوهان

غرقانه فى مثلث برمودا الممنوع

أشباح وأرواح فيك بتتلاقى

لكن سرك ماهوش مسموع

يابحر مين قساك

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى