الرئيسية » مسابقة الشعر العامى » عمل الخير. مسابقة الشعر العامى بقلم / نورهان السيد نور الدين من مصر

عمل الخير. مسابقة الشعر العامى بقلم / نورهان السيد نور الدين من مصر

الاسم نورهان السيد نور الدين
الاسكندرية.
شعر عامى
(عمل الخير )
حاولت كتير ومعرفتش
اعيش زى بقيت الناس
خبيت احساسى ومقدرتش
اعيش ثانية من غير احساس
حاولت اكدب واخبى
وياما جيت اوى على قلبى
حاولت اكون فى يوم ظالمه
رفض كل ما فيا عمايلى
قولت لنفسى ازاى ساهل على الناس
وصعب اوى عليا
نفسى اكون زيهم وخلاص
واعيش بقا الدنيا
سمعتنى واحده طيبة
تغيرى مبدءك علشان مين
علشان منهم تبقى قريبه
وانا بقول اخلاقك زين
يا بنتى كفايه وفوقى شوية
وشوفى انتى بتكلمى مين
دانا عجوزه وشفت قاسيه
وبرغم كده اخلاقى زين
وبتتمنى تكونى مريضه ليه
ما هما مرضا كلهم
احمدى ربنا انك مشفيا
ومخلكيش فى وسطهم
قولتلها جايه بس تكلمينى بعد ايه
ده كل حاجه بالنسبه ليا منتهيا
دورت كتير على حد شبهى
ملقتش حد فى الدنيا ديا
حتى الدنيا مش معايا
عمرها ما جت على هوايا
كل ما حب حاجه فيها
تخدها منى تقولى كفايه
ضحكت ضحكه قالتلى بحكمه
الدنيا يا بنتى ملهاش امان
زى للقلب اللى بيتقلب
مره يمين ومره شمال
ايوه فى ناس عيشاها كتير
غرقانه دهب غرقانه دنانير
رضوا ان يمشوا صف الدنيا
وفقدوا مبدءهم وفى الطريق ضايعين
هيخدو الدنيا بس الاخره
دى للناس المتقين
عرفتى يابنتى معنى الدنيا
ومعنى الناس اللى عايشين
ايوه عرفته واستوعبته
وندمت على كل اللى عملته
نفسى اكون كلامى بحكمه
زى كلامك اللى اتعلمته
بس قوليلى تطلعى مين
وسمعتينى بس منين
دانا بقول كلامى فى سرى
ومحدش يسمع انا بقول ايه
قالتلى هتبقى تعرفى بعدين
لما تغيبى عن الدنيا
وتلاقى عمل السنين
مليان بعمل الخير
ساعتها هنكون متجمعين
وهتعرفى انا ابقا مين

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *