ط
الشعر والأدب

غش ف غش ..بقلم / أمل صيدم

امل صيدم
شنطتها اللي بحطتها

فوق مكتب م الخشب
والمصحف جمب سريرها
فوق كومه من الكتب
والأباجوره المكسوره
بإيديها و عصبيتها
ومخدتها
اللي اتبلت
بدموع العين
وبقايا الكحل السايح
وبيجري ع الخدين
وحبيب صوته الرنان
يشبه لكمانجه
وشجن صوتها
الأقرب للناي
والدنيا اللي بتعشقها
رغم نفاذ الأحلام
ما تقلشي عاشتها إزاي
ومرايه بترسم مليون وش
والبسمه اللي بتلبسها
وبتعرف بيها تغش
فيبان انها أسعد انسان
واهه كله عايشها
غش ف غش
وبيلبس مليووون وش
==================
امل صيدم

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى