الرئيسية » مسابقة الشعر العامى » غصن الزيتون .مسابقة شعر العامية بقلم / محمود ابراهيم هليل من مصر

غصن الزيتون .مسابقة شعر العامية بقلم / محمود ابراهيم هليل من مصر

للأشتراك بالمسابقة
الأسم/محمود ابراهيم هليل
الدولة/مصر
فئة العمل/ عامية
اسم العمل غصن الزيتون
………………………………………………………………….

غُصن الزيتون
ما تحرقوش غُصن الزيتون
وتجافوا فى الليل السكـــون
وتعشقوا عتمه نهــــــــــــار
وتطفوا نـور جوه العيــــون..
ما تكسروش جوف القلــــم
يخرج كلامكم مالكفـــــــوف
عـنيـــد ويبــــدر قســـــــوته
أعمـــــى ويغتـــــال الألوف..
طب ليه قـــــلوبكوا محجرة
وغابتكوا ليـــــــه متشجـــــرة
بالظلم والقهـــــــــر الدفــــين
جوه النفوس الجاحدة المتعكرة…
زارعين غيطـــــــــــانكم بالألم
رافعين سواد الليـــــــــل علــم
غارزين سيوفكم فى الجــــراح
والظلم فى دروبكـــوا أتظلــــــم..
رافعين ايديكوا بالســــــــــــلام
وبتكذبوا وتحرفوا معنى الكلام
مراكبكوا راسية مسكــــرة
فى بحر مولاكوا الأمــــــــام…
عاوزينها ليه متقسمة ومتشققة
ناصبين فى أحلامها حبال المشنقة
وولادها واقفين ويا نيلها بيحلفوا
ضحكتها راجعة بس حلوة مشقشقة..
يـالـلـى بـتكـســــــرقلبهـــــــــــــــا
ويـالـلـى بـتـكـســب ودهـــــــــــــا
ما تسيبـــــولها نسمة حلوة معطـرة
وما تحرقوش كل حبة ف دمهــــا..
ماتحـــرقوش قلـــــب الوطـــــن
وما تيجلبوش ريحــــــــة العطن
ليلنــــــــا بكى ونهار عزاء
ايام وصارت كلها حزن وشجـن..
إن كنتم أنتم………….ولا دول
حاكمة قلوبكـــــــم المصلحـــه
وتغـَـــرقوا الأرض بسيـــــــــول
د م العيــــــــال فى المشـــــرحة..
دم العســـــاكر عالحــــــــــــدود
والمـــــر فى حلـــــق الجنــود
انا ابنى مــــــات يحمى البلــد
وأنتــــــم فضيتوا للعهـــــــــود…
أنا ابنى راح يحمى الوطن
يرجعـلى ملفــــوف بالكفـــــــن
أنام وأصحى ….أصرخ وأقول
أنا ابنى فيــن……أنا ابنى فيـن
يقولولى ابنـــــــــك انــدفــــن..
حسـوا يا ناس…..ياخلق هــــوه
حسوا بقلوب الأمهــــــــــــــات
والبسمة ف عيون اللى مــــــات
وقلوب حزينة مقطعة على ولدها
أيام وكاسيهــا البكى ويا الأهــات..
أنا ابنى مــات…….أنا ابنى مـــات
كان هو ظهــــــــرى وكان سنـــــد
ماهـــــو عمره جوايــــا اتفـــــــــرد
والله فـــــــــداكى يــــا بـلــــــــــــد
مليـــــــــــــــــــــــــون ولــــــــد
عد إنه كـــــان جـــافى وشــــــرد
أو مــــــــات وهوه بينولــــــــــــــد
أو لأجل قرآنـــــــــه انجلـــــــــــــــد
ان مات شهيد هجيب مكانه ميت ولد
أنا ابنى مــــات……أنا ابنى مـــــات
وصوانه فى ضعف السكــــــــــــــات
وحـــــــق ابنــــــى والــــــــــــــولاد
تتغنوا بيه وتترقصوا وماسكين صاجات
بأفعلكوا دى ………….ابنى هيرجع؟
وطنى هيخضع ؟
للاسف ماحناش فى زمن المعجزات

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

2 تعليقان

  1. محمود الصادق
    من مصر
    قصيدة “ياشعب مصر”
    الفئة العامية المصرية

    بريد إلكتروني elsadek632@gmail.com

    “يا شعب مصر”
    يا شعب مصر
    فيك الصالح والطالح
    فيك الظالم والمسامح
    فيك المخلص والخاين
    والشهيد أبو دم سايل
    فيك البنت بنت رجال
    وان كتفوها بألف من الحبال
    تصرخ وتقول انا بنت مصر
    بنت الأزهر والكنيسة
    بنت الإمام والقداس
    في إيدي هلال
    وجنب مني صليب
    وهنشر السلام
    ان شالله لو لغريب
    انا بنت اتولدت في الإسلام
    وبحب كل الطوائف والأديان
    كل الأجناس والألوان
    أنا بنت لكني مثلك يا إنسان

    يا شعب مصر يا معصوم
    فيك الطاغية والفرعون
    فيك من كل شكل ولون
    يا شعب غلبت في وصفك
    مهما يقيدوك أو يحبسوك
    لا يمكن تبكي أو تدمع
    لو يحكمك ملتحي أو جنرال
    لا يمكن تخضع

    يا شعب غلبت في وصفك
    حر زي فراشة طايرة
    زي شعر الغجرية
    زي قصايد درويش في الحرية
    وزي نضال جيڤارا
    وزي كلام عمر في العداله
    يا شعب مصر عزيمتك عفيه
    وقوي زي صخر الجبال
    زي سهم النبال
    زي رسم الرجال
    زي الثورة في وش المحتال

    يا شعب مصر
    نارك والعة وحاميه
    تصهر كلبش الحكام
    تتعدي أي حظر
    تعادي أي سجان
    يا شعب عاشق للنصر
    زي ورده في وسط شوكها تفتح
    زي قمر منور في الظلام
    زي أطفال سوريا تمام
    زي أحرار القدس قدام الكلاب
    يا شعب مصر متقلب الأحوال
    ولا ليك عزيز ولا سلطان
    لا فرقت بين عسكري أو إخوان
    كان كل همك سلامة الإنسان
    وتنعم بلدك بالأمن والأمان
    يا شعب مصر يا ولهان
    احتار في عزمك الحكام
    والباحثين والدارسين
    والمهتمين بعلم الجينات
    يا شعب الفكر والفن
    حدك السماوات
    يا شعب مصر غلبت وياك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *