الشعر والأدب

فاكر حبيبى .,..قفصيدة للشاعر / أشرف السمادونى

Spread the love

أشرف السمادونى
فاكر زمان
كنا بنتقابل هنا
لسه المكان
فاكر كلام
أول لقا
لسه المكان
فاكر حنان
ضمة ايدينا
وحلمنا
جذع الشجر
احلى مكان
بيضمنا
أوراق تضلل
فوق عنينا
عن ناس كتير
بتخبى قصة
حبنا
وكلام نعيده
ونسمعه
وف كل مره
نرجعه
من بين شفايف
تحضنه
وايدين بترسم
ع الشجر
قلبى أنا
قلبك كمان
بيحضنه
سهم الهوى
بشويش
شبكهم بالهوى
فات اللى فات
من ذكريات
واحنا سوى
عدى الزمان بيا
ولقيت
نفسى هنا
انا لسه شايفك
من بعيد
بتشاورى جايَّه
قبل الكلام
شُفتك نسيت
شوق الانتظار
مديت ايديا
تحضن ايديكى
وتلمسك
ما لقيتشى غير
حبة هوا
ولقيتنى فاكر
يا ترى
انتَ كمان فاكر
زمان عهد الهوى
************************************
بقلم الشاعر / أشرف فؤاد السمادونى

تعليقات

تعليقات

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق