الرئيسية » مسابقة الشعر العامى » فكة إيد ..مسابقة شعر العامية بقلم / حلمى عبد العزيز منصور من مصر

فكة إيد ..مسابقة شعر العامية بقلم / حلمى عبد العزيز منصور من مصر

Spread the love

الاسم حلمى عبدالعزيز منصور محافظة البحيره مركزكفرالدوار
فكة ايد
اصعب حاجه لماتكون واقف قدام الموت
كل اللى مابينه وبينك فكة ايد
وانت متبت خايف تفلت
خايف انك تصبح ذكرى لمدة يوم اوحتى يومين
لمايلمو فتات اشلائك من عالسكه ويغطوهابالجرانين
اصل القطر بتعنا ياصحبى قلبه حديد
لا مش قلبه دا قلبه وعجله وشبابيكه المكسوره قزازها
حتى بيبانه مع قضبانه كله حديد
دايما جايب حزن جديد وعمره مايخلف يوم مواعيد
قايم بدرى تقف فى طبور ملهوش عنوان
اللى بيمشى جنب الحيط وعمره ماينزل من عالسطر
عمال تجرى قبلى وبحرى وتقول قدرى
ولو مكتبلك انك يوم هتموت مالقطرهتموت مالقطر
وانت متبت نصك بره ونصك جوه واللى معاك واقف فى طبورك
بيتبت ويزق بقوه خايف ينهى حياته المره بفكت ايد
والاشارات بتعدى علينا خايف ترمش عينك احسن تغبط فينا
فاكرلماكنت بتحلم انك تهرب من سجانك
تجرى تشم النسمه الهاديه اللى معديه شم بقى نسمات العام
تبدئ تصحى من احلامك لما تبان حجر النواتيه
لماتشوف عمارات سيدى جابر داخله عليك
نفسك تصرخ نفسك تفرح نفسك تطلق ايدك وتسقف
ولماوصلت ووقف القطر ياصاحبى فى نهاية المشوار
وخلصت كل الزحمه الجيه من كفر الدوار
يبدئ قلب القطر يلين وبدل الكرسى تلاقى اتنين لمانزل ابوقلب حزين
اللى مابينه وبين الفرحه عمر بعيد
يروح على شغله ولمايخلص يرجع تانى يقف فى طبوره
واخدنفس قراره وعازم انه يدخل نفسه فى اصعب حاجه
لمايلاقى الموت واقف قدامه كل اللى مابين الموت ومابينه
فكة ايد

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

رسالة من الغربة,مسابقة الشعر العامى,بقلم/صابر فرج ياسين على .مصر

Spread the love مسابقة الشعر العامي الأسم صابر فرج ياسين على ( جمهورية مصر العربية …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *