الرئيسية » مسابقة الشعر العامى » فنجان شاى .مسابقة الشعر العامى بقلم / ثروت بكرى من مصر

فنجان شاى .مسابقة الشعر العامى بقلم / ثروت بكرى من مصر

Spread the love

الاسم ثروت مصطفى بكرى

اسم الشهرة ثروت بكرى

بورسعيد مصر

تليفون 01222552014

شعر عامى خاص بالمسابقه

فنجان شاى
أتعودت أصحى يوماتى

وأنده أبنى بأسمه وأنادى

ساعه يرد عليا بسرعه

وساعه يسيبنى دقيقه اهاتى

بس فى ثانيه بلاقى فطارى

على ترابيزتى وفنجان شايي

ونقعد نضحك وساعات نبكى

حتة واد كان مالى حياتى

كنا أثنين عايشين فى البيت

بعد ما ماتت ست البيت

وبعد مخلص أه تعليمه

بقى يسألنى عن تعينه

وأعمل واسطه وكمان واسطه

وسط نظام ظالم عارفينه

ملقاش شغل سنين وسنين

لحد يوم خمسه وعشرين

وأنا متعود أصحى يوماتى

وأنده أبنى بأسمه وأنادى

بس اليوم ده لا رد عليا

ولا غاب ساعه ولا غاب ثانيه

رحت عملت فطارى بأيديا

وفنجان شاى ليا وليه بس اتاريه

بيشرب شهد فى جنة ربه

هو وكده كام واحد صاحبه

خرجو وقالو لظالم لاء

بس الظالم كان له رأى

أن أنا أشرب فنجان شايي

لبقيت عمرى لواحدى وعادى

بكره أتعود ومهما هنادى

مفيش حد هيسمع صوتى

حتى أن عشت العمر أهاتى

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

رسالة من الغربة,مسابقة الشعر العامى,بقلم/صابر فرج ياسين على .مصر

Spread the love مسابقة الشعر العامي الأسم صابر فرج ياسين على ( جمهورية مصر العربية …

4 تعليقات

  1. روعه الكلمات والمعانى الفيدة

  2. رووووعه سلمت يداك قصيده رائعه وكلمات رائعه

  3. ما اوع واجمل هذه الكلمات

  4. كلمات في منتهي الروعه والابداع

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *