مقالات بقلم القراء

فن الأحتواء ..بقلم / شيماء ربيع

وقت الإنهيار بنكون محتاجين للاحتواء أكثر من النصيحة حتى لو احنا الغلطانين الاحتواء له انواع كثيره وهي تجميع شتات شخص روحه متبعترة ممكن بكلمة أو بنظرة أو بلمسة أو بحضن تجمع أجزاءه تاني وترجعه إنسان سليم
هو إحتياج الإنسان لحد يساعده على التنفيس عن مشاعره وإعادة ضبط نفسه الإنسان وقت الإنهيار بيكون في أضعف حالاته وأي إنسان يقربله ويحاول يحتويه هيفتحله قلبه فورا ويحكي خليك إنسان ثقة وبلاش تندمه على لحظة ضعفه
هدي الصراع اللي جواه وساعده على ترتيب أفكاره بلاش تهاجمه وتقول دا أسلوب علاج
هو في الحالة دي مش محتاج علاج هو محتاج حد فاهم فن الاحتواء مش كل الناس بتجيده
الفرق كبير جدااااا بين حد يقولك….
أنا مش هسيبك غير لما تهدا 😊
وحد يقولك هسيبك لحد ما تهدا🙃
اوعا تيجي على شخص ف وقت ضعفه وتحاول تقوم معاه بدور الناصح العاقل انت كدة بتدمره نفسيا أديله فرصة يهدا ويحس بالامان يحس إنه مش مرفوض من اللي حواليه خليه يحس إن في حد فاهمه وإنه يقدر يسيطر على مشاعره
أي إنسان ف الدنيا مهما كانت درجة قوته بتيجي عليه لحظة ويحس إنه بينهار ومحتاج لحد يسنده ويلم شتاته محتاج حد ياخد منه ويديله
ياخد منه الهم والحزن والدموع والضعف والوجع ويديله الاحتواء والحب والاكتفاء والأمان والابتسامة والقوة والأمل والثقة بالنفس
الاحتواء مش معناه وجودك طول الوقت الاحتواء ليس أن تطيل البقاء بل أن تجيد الحضور والاعتناء
الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق