الشعر والأدب

فى الجنه معيدين .قصيدة للشاعر / سيد فاروق أحمد ..ديروط

……………..

مش كل يوم عساكر

مش كل يوم كمين

ده كافر وابن كافر

يقتلنا بإسم دين

والدين زاد المسافر

ضلة للحرانين

حراس بلدنا كانوا

واقفين مسترجلين

وسلاحهم كان رفيقهم

و الاتنين مؤمنين

الطلقه بعمر راجل

وتلاته بطلقتين

إفردعزمك ياقاضى

مفرود يا ابنى وأمين

مشدود حبلك وواصل

وحبل الله متين

واللى يفكر يضرك

قطع ليه الوتين

وحد ربك يا مؤمن

واحد ياموحدين

منحوت وشك ببسمه

وعنيك متبسمين

قمرما بين عساكرك

ف الخدمة معيدين

فتح عينك ياقاضى

والله مفنجلين

كلاب راصداك يا ولدى

فتح عينك واد

خلى سلاحك معمر

يدك فوق الزناد

تضرب ف القلب دوغرى

لما يحين المعاد

إوعاك تغفل يا شاطر

ده انتوا سُمر وشُداد

جرحك سايح بينزف

بس شايفهم عيال

عيال شيطان غاويهم

عايشين أسوأ خيال

وانت بتضرب وتخلص

وراجل ف المجال

روحك فاتت جروحك

وراحت ع النعيم

لما نطقت الشهادة

كان الضمير سليم

متخافش وراك سباع

حقك جابوه يا واد

زى الفيران صادوهم

وفرحوا العباد

إرتاح ونام يا ولدى

وإحنا علينا الجهاد

إحنا علينا الجهاد

……………

سيد فاروق أحمد

ديروط

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق